Arctic
Import ukiut sisamassaa sinneqartooruteqarluarpoq. Sinneqartoorutit nunatsinni
aningaasaliissutigineqassapput, tassanilu suliffeqarfik Nuummi nutaamik
qullersaqarfiliuleruttorpoq.
Pisortaanerup
Thomas Hjortip, Arctic Importip Aalborgimi ataatsimeersuarnerani
tallimanngormat ullup-qeqqanut ukiumoortumik naatsorsuutit nuannaarluni
saqqummiukkamigit oqaluttuarpoq.
Arctic
Import ukiut sisamassaa sinneqartooruteqarluarpoq. Sinneqartoorutit nunatsinni
aningaasaliissutigineqassapput, tassanilu suliffeqarfik Nuummi nutaamik
qullersaqarfiliuleruttorpoq.
Pisortaanerup
Thomas Hjortip, Arctic Importip Aalborgimi ataatsimeersuarnerani
tallimanngormat ullup-qeqqanut ukiumoortumik naatsorsuutit nuannaarluni
saqqummiukkamigit oqaluttuarpoq.
Suliffeqarfissuup
angusanut naatsorsuutai 2023-mi 12,2 millionit koruuninik
sinneqartooruteqarfiusimasut 2024-mi 13,9 millionit koruuninik
sinneqartooruteqarfiusimapput, suliffeqarfissuullu 2024-mi decembarip 31-ani
oqimaaqatigiissitsinerani nammineq aningaasaatai 48 millionit koruuniusut
paasinarsivoq.
Arctic
Importip Atlantikup Avannaani aallussaqarnimi annertusarnissaa 2024-mi
pimoorullugu sulissutigisimavaa, ilaatigullu Islandimik niueqateqarnini
annertusarsimallugu.
- Ukiumut angusagut kusanartut ingammik Islandimik Kalaallillu
Nunaannik niueruteqarnerup annertusingaatsiarneranik pissuteqarpoq, tassani
niuerfigut annertusarlugillu nunani pineqartuni periarfissanik nutaanik
pilersitsivugut. Ineriartorneq taanna siunissaq ungasinnerusoq eqqarsaatigalugu
periusissiornikkut nukittuunillu suleqateqarnikkut pilersinneqartoq siunissami
nukittorsartuassavarput, Thomas Hjort oqaluttuarpoq.
Nuummi
qullersaqarfik nutaaq
Arctic
Import maanna Qeqertanut-mi Nuummiittumi nutaamik qullersaqarfiliuleruttorpoq. Qullersaqarfissaq
katillugit 1.500 kvadratmeterinik angissuseqartoq allaffeqassallunilu,
saqqummersitsiveqassallunilu minnerunngitsumik nunatsinni annerpaamik
qerisuusiveqassaaq. Sanaartorneq ukiup ataatsiop iluani naammassissasoq
naatsorsuutigineqarpoq.
- Atlantikup
Avannaani tamarmi niuertarlutalu niueqateqartarpugut, tunngaviusumilli
suliffeqarfiuvugut kalaallinit pigineqartoq. Taamaammat inuiaqatigiinni
aallussaqarfigisatsinni pitsaasumik sunniuteqarumalluta sinneqartoorutitta
Kalaallit Nunaanni aningaasaliissutiginissaat uagutsinnut pingaaruteqarpoq,
Thomas Hjort nassuiaavoq.
- Atlantikup Avannaani ukiut 45-t sinnerlugit
suleqataanikuuvugut, ukiullu tullii 45-t aamma suleqataarusuppugut. Inuiaqatigiinnut
niueqatigisartakkatsinnut ilaavugut akisussaaffippullu pingaartipparput. Taamaammat
ukiumi angusat atorlugit Kalaallit Nunaanni toqqaannartumik
aningaasaliisinnaagatta nuannaarutigaarput – suliffeqarfiup
atortorissaarutissaanut pitsaasunuinnaanngitsoq aammali inunnut
ataatsimoornernut.
- Arctic
Importip Nuummi qullersaqarfittaarnermigut uninngasuusiveqarnini
annertusisinnaallugulu, najukkami suliffissat ilinniartuuffissallu
amerlanerusut qulakkeersinnaallugillu Europamiit Amerikallu Avannaaniit Nuuk
aqqusaarlugu nunatta sinneranut assartuinermik aalaakkaanerusumik
pilersitsisinnaallunilu taamatuttaaq suliffeqarfiup Kalaallit Nunaanni
takornariaqaraluttuinnarnera tapersersueqataaffigisinnaavaa, Thomas Hjort
isumaqarpoq.
Arctic
Importip suliffeqarfik Konpap Grønland ukiut marluk matuma siorna pisiaraa. Suliffeqarfik
taanna maanna Arctic Importimut ilanngutivissimalerpoq. Thomas Hjortip suliffeqarfiusimasoq
maanna matuneqarsimasoq ataatsimeersuarnermi ilisimatitsissutigaa.
Politikkikkut
eqqissiviittoqarnera ernumaginngikkaa
Piffissami
kingullermi Kalaallit Nunaat Issittorlu pillugit politikkikkut
eqqissiviilliortoqaraluartoq – minnerunngitsumik USA-mi naalakkersuisut nutaat
atuutilermata – Arctic Importip siunissaq ernumaginngilaa.
„Nunat
Atlantikup avannaaniittut, pingaarnertut niuerfigut – Kalaallit Nunaat,
Savalimmiut Islandilu – politikkikkut soqutigineqarlutillu nakkutigineqartut
suliffeqarfiup ilisimavaa. Politikkikkut eqqissiviilliorneq siunissaq
qaninnerusoq ungasinnerusorlu eqqarsaatigalugit suliffeqarfissuup
tunisinissaminut periarfissaanut annerusumik sunniuteqarnavianngitsoq aqutsisut
isumaqarput", aqutsisut nalunaarutaanni allassimavoq.
Arctic
Importip ilaatigut Norgemiut niuertarfiutileqatigiiffiannit Rema 1000-imit
nioqqutissat, Kalaallit Nunaanni KNI aqqutigalugu tunineqartartut,
tuniniartarpai. Arctic Importip suliffeqarfissuarmut KNI-mut pilersuisuunermi
saniatigut tunisassianik Kalaallit Nunaanni suliffeqarfippassuarnut
kommuuninullu pilersuisuuvoq.
Arctic
Import Kalaallit Nunaanni ingerlatseqatigiiffittut nalunaarsorneqarsimavoq,
Kalaallit Nunaannilu akileraartarluni. Arctic Import ilaqutariinnit
pigineqarpoq, Atlantikup avannaani Danmarkimilu 100-nit amerlanerusunik
sulisoqarluni. Arctic Import Kalaallit Nunaanni 1978-imi pilersinneqarpoq,
ullumikkullu illumik ilusilersuinermut, nerisassanik sassaallernermut
eqqiaanermullu tunngasunik namminersortunut, pisortat suliffeqarfiutaannut
suliffeqarfinnullu illoqarfinni annerni nunaqarfinnilu mikinerniittunut
assigiinngitsorpassuarnut immikkut ilisimasalittut siunnersuisarlunilu
tuniniaasarpoq.
Arctic
Import Poul Jørgen Nielsenimit Ole Nielsenimillu piginnerneqarpoq Thomas
Hjortilu annikitsumik piginneqataassuteqarluni. Tallimanngormat
ataatsimeersuarnermi siulersuisut uku qinigaaqqipput: Anne-Marie Michele
Navarro Poulsen (siulittaasoq), Ole Nielsen, Martin Dommerby Kristiansen, Evan
Christensen aamma Kristian Nielsen.
