Panigiit oqqannerat ajorluinnartumik kinguneqarmat Tasiilami politiit ukioq manna februaarip aallaqqaataani aggersarneqarput. Paniusup arni angerlarsimaffiani qungasiatigut savimmik iggavimmi atorneqartartumik kilertissimavaa.
Paniusoq 26-nik ukiulik pillugu suliaq Sermersuup Eqqartuussiviani Nuummiittumi ataasinngornermi aallartippoq. Tassani anaanaminut toqutseriarsimasutut anaanamilu aappaanut nakuusersimasutut unnerluutigineqarpoq. Aamma arnap allap atisaqanngitsup assinganik Facebookimut 2024-mi ilisisimasutut unnerluutigineqarpoq.
Panigiit oqqannerat ajorluinnartumik kinguneqarmat Tasiilami politiit ukioq manna februaarip aallaqqaataani aggersarneqarput. Paniusup arni angerlarsimaffiani qungasiatigut savimmik iggavimmi atorneqartartumik kilertissimavaa.
Paniusoq 26-nik ukiulik pillugu suliaq Sermersuup Eqqartuussiviani Nuummiittumi ataasinngornermi aallartippoq. Tassani anaanaminut toqutseriarsimasutut anaanamilu aappaanut nakuusersimasutut unnerluutigineqarpoq. Aamma arnap allap atisaqanngitsup assinganik Facebookimut 2024-mi ilisisimasutut unnerluutigineqarpoq.
Eqqartuussiviup ukiuni sisamani pinerluuteqarsimasut inissiisarfianniittussanngortissagaa unerluussisussaatitaasut kissaatigaat.
Arnap 26-nik ukiullip anaanani qungasiatigut savimmik kilertissimallugu eqqartuussivimmi nassuerutigaa.
Anaanaasup panimi toqussinnaagaani nilliaatigisimagaa arnap oqaluttuaraa. Taava arnap 26-nik ukiullip tamatuma kingorna anaanani savimmik qunusaarsimavaa. Saviup kiinaanik kilertinniarsimanngikkaluarpaa, arnaq unnerluunneqartoq nangilluni oqaluttuarpoq.
Inuunera navianartorsiunngitsoq
Arnap 26-nik ukiullip anaanami angutaataa tiitorfimmik milorsimallugu aamma uppernarsarpaa. Kisiannili arnap taassuma ’kumigummik assigisaanilluunniit’ angut taanna unatarsimagaa unnerluussissummi allassimammat ilisarinngilluinnarpaa.
Unnerluussisussaatitaasut ilaata Aprilia Jespersenip anaanaasup aappaatalu ajoqusersimanerannik assit uppernarsaatillu saqqummiuppai. Anaanaasup qungasia takisuumik sanimut kilertinneqarsimavoq. Ajoquserneri kimillannerinnaagamik annikitsuinnarmik aanaarsimapput, taamaammallu inuunera ulorianartorsiorsimanngilaq. Angut qaamigut kilersimavoq.
Ataasinngornermik takunnissimasutut uppernarsaasut tusakkavut tassatuaapput assimut unnerluutigineqartup Facebookimut ikkussimasaanut tunngassuteqarput, tamannalu unnerluutigineqartup nammineerluni ikkussarisimallugu nassuerutigaa.
Toqutseriarsimasutut nakuusersimasutullu unnerluussinerit pillugit eqqartuussineq pingasunngornermi nanginneqassaaq. Tassani suliami pinerlineqartut marluk pingajuusorlu ullumi pisoqarfiusumi Tasiilami najuussimasoq sassartinneqassapput.
