Ataasinngornermi timmisartuussinissat anorersuarnera pissutigalugu taamaatiinnarneqarput
Nuup mittarfiani anorersuarnissaanik aarlerisaarut pissutigalugu Air Greenlandip Nuummut Nuummillu timmisartuussinissamik pilersaarutit tamaasa taamaatippai. Ilulissanut immisartuussinissaq ataaseq kisiat pinnagu.
Tuukkaq Nuummut tikissanngilaq pilersaarutit malillugit ataasinngornermi.
Akivfoto:: Leiff Josefsen
Timmisartorsuaq Tuukkaq ataasinngornermi anorersuarnera pissutigalugu angallassinissaralua taamaatiinnarneqartoq Air Greenland ilisimatitsivoq:
- Nuummi mittarfimmi anorlerneruleriartornissaa pissutigalugu aqagumut (ataasinngorneq) angalanissat Nuummit Nuummullu timmisartuussinerit tamarmik taamaatinnarneqarput, Ilulissanukartussaq kisiat pinnagu., Air Greenland allappoq, nangillunilu:
- Tamanna pissutigalugu Tuukkaq aamma taamaatinnarneqarpoq. Tuukkaq pingasunngorpat angallassisinnaaneranik aaqqiissutissamik ujartuivugut, timmisartuutileqatigiiffik allappoq.
Nuup eqqaani kujataata kangianit anorsarillunilu sumiiffinni arlalinni natsimassangatinneqartoq DMI-p aarlerisaarutigaa.
Ilimasaarut malillugit ataasinngornermi unnukkut nalunaaqutaq qulit qaangerpagu aatsaat anori sakkukillissasoq.
Kunngi Frederik Nuummut ataasinngornermi unnukkut arfineq-pingasunut qiteqquppat missaaq. Kunngip Kalaallit Nunaannut tikeraarnissaa anorlernera pissutigalugu sunnerneqassanersoq Sermitsiap paasiniarpaa.
