ISLAND
Atit 25-t nutaat akuerineqartut - tallimat itigartinneqarput
Islandimi atinut ataatsimiititaliap aqqit 25-t nutaat akuersissutigaat, aqqilli tallimat qinnutigineqarsimasut itigartitsissutigalugit.
Det har været et hedt debatemne i Island, om man overhovedet skal have en navnekomité, der skal godkende og afvise nye fornavne.
Arkivfoto: Leiff Josefsen
Islandimi tusagassiorfik RÚV allappoq paniup ernerulluunniit atermik soorlu Universemik, Bytemik imaluunniit Afturimik atserneqarnissaanik kissaateqarneq atinik ataatsimiititaliamit akerleriissutaasunit itigartinneqarsimasoq. „Atermik tamatuminnga taaguutilimmut qinngasaarutaalluni ajoqusiisinnaanera“ tunngavilersuutaavoq.
Allaaserisamili nassuiarneqarpoq ernertaartut Hendriximik maanna atsiisinnaanngortut.
Islandimi atinut ataatsimiititaliaqartariaqarnersoq oqallisaangaatsiarsimavoq. Atsiussinermut inatsit ukiuni kingullerni sakkukillilerneqarsimavoq, pingaartumik aqqit nunanit allaneersunut tunngatillugu.
- Islandimi inatsisartut ataatsimiititaliap atorunnaarsinneqarluinnarnissaa pillugu inatsisissatut siunnersuut oqaluuserisarpaat, inatsisissatut siunnersuutilli suli akuerineqarsimanngillat, Islandimi nittartakkatigut tusagassiorfik allappoq.
