Atlantikoq qulaallugu timmisartuussinissat taamaatinneqartut
Antlantikoq qulaallugu timmisartuussinissat marluk tallimanngornermi taamaatinneqarput, teknikkikkut ajoquteqarnerat peqqutaalluni.
Kassaaluk Kristensen
Air Greenlandimit oqaaseqaat ilanngunneqarpoq.
Air Greenlandip Atlantikoq qulaallugu timmisartuussinissaralui tamarmik tallimanngornermi taamaatinneqarput, teknikkikkut akornuteqarneq pissutaalluni.
Taama Air Greenland nittartakkamini paasissutissiivoq:
- Atlantikup qulaallugu angallassinissaraluit taamaatiinnarneqarneri peqqutaallutik nunap iluani timmisartuussinernik allaanguuteqassasoq naatsorsuutigineqasssaaq.
Ilaasut tamarmik angalanissamut pilersaarutaannik allannguineq sulissutigalugu, Air Greenland paasissutissiivoq.
Tuukkaq qaqugu timmisartuussinissamut piareeqqissaanersoq suli ilisimaneqanngitsoq Air Greenland Sermitsiamut ilisimatitsivoq:
- Tuukkami silaannakkut angallassinermi atortoq ajoquteqarpoq, ajoqutillu iluarsineqarnissaata tungaanut timmisartuussisinnaanngilagut. Ajornartorsiut misissorlugu aallartipparput, qaqugulu iluarsineqarsinnaanersoq suli ilisimaneqanngilaq, Air Greenland ilisimatitsivoq.
