Aningaasaqarnermut ministeri: Mittarfik immitsinnut qaninnerulersitsivoq

Danskit aningaasaqarnermut ministeriat Peter Hummelgaard Ilulissani timmisartoqarfimmi nutaami oqalugiartut ilagaat. Taanna isumaqarpoq mittarfik naalagaaffeqatigiinnermut aamma Kalaallit Nunaannut nutittorsaataassasoq.

– Ilulissani mittarfiup nutaap atoqqaartinneqarneranut peqataasinnaanera aamma attaveqarnermut suliniummik pingaarutilimmik naammassinninnissamut peqataasinnaanera nuannaarutigeqaara, Peter Hummelgaard oqarpoq.

Nuummi Ilulissanilu mittarfiit nutaat danskit naalagaaffiata piginneqataaffigai.

– Mittarfik aamma Naalagaaffeqatigiinnermik qaninnerulersitsivoq. Kalaallit Nunaat Danmarkilu imminnut ukiuni kingullerni qaninneruleriartorput, aamma uanga nammineq taamaappunga, ministeri oqarpoq.

Peter Hummelgaardip Danmarkip Kalaallit Nunaatalu akornanni sinaakkutissatut isumaqatigiissut aamma Ilulissani imermik pilersuineq pillugu suleqatigiinnissaq erseqqissarpai.

– Kalaallit Nunaata nammineersinnaanera nukittorsarniarlugu ullumikkut alloriaateqarpugut, ministeri oqarpoq:

– Ammaanersiornermi pilluaritsi, Kalaallit Nunaat tamakkerlugu pilluaqqusaavugut, pilluarta.