Kommuneqarfik
Sermersuup nammineq sulisorisani allaffiinit nuullugit,
soorlu Imaneq 20-miittut,
init atuartunut
atuartitsiviugallartunngortinneqarput. Atuartunut
inissaqartitsiumalluni aqutsinermi atuuffiit ataasiakkaat
nuunneqarallartut kommunip
Sermitsiamut uppernarsarpaa.
- Sulisut kalluarneqartut amerlanerpaartaat kommunip nammineq illuutaanut nuunneqarput, sulisulli sinnerinut illuutit marluk attartorneqarput. Aningaasartuutit killilersimaarneqarnissaat peqatigisaanillu meeqqat atuarnerisa akornuserneqannginnissaat pingaartinneqarpoq, Kommuneqarfik Sermersuumi Meeqqanut Atuarfinnullu ingerlatsivimmi pisortaq Lone Nukaaraq Møller ilisimatitsivoq.
Kommuneqarfik
Sermersuup nammineq sulisorisani allaffiinit nuullugit,
soorlu Imaneq 20-miittut,
init atuartunut
atuartitsiviugallartunngortinneqarput. Atuartunut
inissaqartitsiumalluni aqutsinermi atuuffiit ataasiakkaat
nuunneqarallartut kommunip
Sermitsiamut uppernarsarpaa.
- Sulisut kalluarneqartut amerlanerpaartaat kommunip nammineq illuutaanut nuunneqarput, sulisulli sinnerinut illuutit marluk attartorneqarput. Aningaasartuutit killilersimaarneqarnissaat peqatigisaanillu meeqqat atuarnerisa akornuserneqannginnissaat pingaartinneqarpoq, Kommuneqarfik Sermersuumi Meeqqanut Atuarfinnullu ingerlatsivimmi pisortaq Lone Nukaaraq Møller ilisimatitsivoq.
Init
atuartitsiviugallartut
ASK-imik
USK-imillu matusineq inini arlalinni oquttoqarneranik paasisaqarnerup
kingorna aalajangerneqarpoq. Kommuni naapertorlugu atuartut sulisullu
illersorniarlugit isumannaallisaalluni pinaveersimatitsinikkut
tamanna pivoq.
- Sukkasuumik akissussaassusilimmillu iliorpugut. Peqqissuuneq meeqqallu sulisullu isumannaatsuunerat salliujuaannarpoq, borgmester Avaaraq Olsen nalunaaruteqarnermi oqarpoq.
ASK-imi
atuartut Nuummi atuartitsiviugallartunut nuunneqarput, tassani
ilaatigut Nipilersornermik ilinniarfimmut, Café Tamumut kommunillu
ingerlatsiviisa marluk illuutaannut,
atuartitsivinngortinneqarallartunut.
Atuartitsiffiit
tamarmik atuartitsiviugallarfissatut naleqquttuunerannik
ikuallattoornissami oqartussanit misissorneqarlutillu
akuerineqarnerat, taamatullu aamma pisariaqartinneqartut tamarmik,
soorlu anartarfiit, isersimaartarfiit pausertarfiillu
pilersinneqarsimanerat kommunip ilisimatitsissutigaa.
Meeqqat
iluarisimaarnerat atuartitsinerullu pitsaasuunera atuarfinni pisortat
suleqatigalugu malinnaavigiuarneqarpoq.
Aningaasaqarnermut
tunngasortai ilisimaqqissaarneqanngitsut
Oquttoqarneranut
aaqqiissutaagallartunullu atatillugu ataatsimut aningaasartuutit
qanoq annertutiginerisa paasiniarnerat suli Kommuneqarfik Sermersuup
suliaraa.
–
Kommunip ataatsimut aningaasartuutit
qanoq annertutiginerat misissuleruttorpaa. Aallaqqaammut
sinaakkutaareersut iluanni aningaasartuutit isumagineqarput,
kommunalbestyrelsili Inussummik suliaqarneq siuarluarsimaleriarpat
ataatsimut aningaasaqarnikkut killiffimmik saqqummiisoqassasoq,
ingerlatsivik ilisimatitsivoq.
Atuarfik
nutaaq piareeriartuaartoq
Manna
ilungersunartorsiutit aaqqinneqarnerannut atatillugu atuarfittaassap
Atuarfik Inussuup – ASK-ip
USK-illu taartissaat
- inaarsarneqarnera pillugu kommuni sanaartortumik Ístakimik
isumaqatigiissuteqarpoq.
Sanaartornerup
nanginneqarsinnaanera, ikuallattuulernermilu isumannaatsuunissaq
pillugu teknikikkut ilungersuutit aaqqinneqassallutik.
Ilaatigut
tissaluttaatit
ikkussuunneqassapput Atuarfik
Inussullu 2026-mi augustimi
ammassasoq ilimagineqarpoq.
–
Sanaartornerup siuariartorneranik
qulakkeerisumik ataatsimoorluta aaqqiissusiorpugut.
Ataatsimoorluta anguniagarput erseqqippoq – meeqqanut sulisunullu
sinaakkutinik pitsaanerpaanik pilersitsissaagut, taamaalilluni
atuarfik 2026-mi atorneqarsinnaaleqqullugu, Sanaartornermut
Avatangiisinullu ingerlatsivimmi pisortaq Søren Krog Pedersen
oqarpoq.
Angajoqqaat
sulisullu
ineriartorneq pillugu ingerlaavartumik ilisimatinneqartarnissaat,
meeqqallu atuarfittaassap ammarneqarnissaata tungaanut
aalaakkaasuunermik toqqissisimanermillu misiginissaat
sulissutigineqartoq, Kommunip erseqqissaatigaa.
