Atuisunut akit: Inuuniarneq ima akisunerulertigaaq
Atuisut aningaasaatiminnit pissarsiarisartagaat annikinnerulersut atuisunut akit pillugit naatsorsuinermi kingullermi takuneqarsinnaavoq, taakkulu juulip aallaqqaataani 2023-mi piffissamut tassunga sanilliullugu 2,8 procentimik qaffassimapput. Ingammik inuussutissat ineqarnermullu aningaasartuutit aningaasat naleerukkiartornerannut pissutaapput.
Kalaallit Nunaanni Brugseni
Inuussutissat akii 2,7 procentimik akitsorput, ineqarnermut akiliutit 4,2 procentimik qaffallutik, tamannalu kiassarnermut akiliutit qaffannerannik pissuteqarpoq.
- Taamatuttaaq ikummatissat akiisa qaffariarnerat ineqarnermut aningaasartuutinut kiisalu assartuinermi aningaasartuutinut sunneeqataapput. Ikummatissat akiisa qaffasinneruneri ineqarnermi kiassarnerup akisunerulerneranik kinguneqarpoq taamatullu assartuinermi aningaasartuutinut aamma annertusaaqataalluni, atuisunut akit nutaat pillugit kisitsisit Naatsorsueqqissaartarfik allappoq, skriver Grønlands Statistik om det nye forbrugerpristal, der bruges som mål for inflationen.
Inuussutissat uku akitsorput
Inuussutissanut akini qaffariaat pingaartumik sodavandit, naatsiiat, sukkulaatit nerisassanullu akoralugit nerisakkat (ass. ketchuppit, senneppit, akuutissat) akiisa qaffasinnerulernerannik peqquteqarpoq.
Atuisunut akit naleqqersuutaat atuisut tamakkiisumik atuinerisa agguaqatigiissinnerannit uuttorneqarpoq, allatullillu ilaqutariinnit ilaqutariinnut nikerartuussalluni, taamaattumik inuit ilaat akit qaffannerannit sakkortunerusumik eqqugaassapput, allalli immaqa annikinnerusumik eqqugaassallutik.
- 2024-mi januaarimiit 2024-mi juulimut atuisunut akit 2,2 pct.-inik qaffapput. Ukiup affaanut qaffariaammi ikummatissat akiinik qaffaanerit, ineqarnermi kiassarnermut assartuinermilu aamma aningaasartuutinut sunniuteqagaatsiartoq, peqqutaanerpaavoq, naatsorsueqqissaartarfik ilisimatitsivoq.
Atuisunut akit procentinngorlugit qaffakkiartornerat ukiuni kingullerni sisamani aatsaat taama qaffasitsigaaq.
Akit appariartortut tassaapput ineqarnermut atortut kiffartuussinerillu.
Juulip aallaqqaataani aningaasat naleerukkiartornerannut suut pissutaanersut takuneqarsinnaavoq:
Nioqqutissat assigiinngitsut atuisunut akinut naleqqersuummut sunniutaat takuneqarsinnaavoq. Akit nikissimanerat aamma qanoq oqimaalutarneqarsimanersut tassani apeqqutaavoq.
Naatsorsueqqissaartarfik
