Kommuneqarfik Sermersooq
sanaartortitsisartullu Ístak Nuummi Atuarfiup Inussuup naammassineqarnissaanut
qulakkeerutaasumik isumaqatigiissuteqarput.
Sanaartortitsisut Ístak maanna
Atuarfik Inussumi tissaluttaatinik ikkussuissallutillu atuarfiup sananeqarnera
2026-mi aggustip tungaanut naammassissavaat. Taama Kommuneqarfik Sermersooq
oktobarip 16-ani nalunaarpoq. Kommuni naapertorlugu Ístakimik isumaqatigiissuteqarnikkut
sanaartorneq ikuallattoqartillugu isumannaallisaanermut tunngatillugu
isumaqatigiinnginneq pissutigalugu sivisuumik unittooreerluni
aallarteqqinneqarsinnaanngorpoq.
Kommuneqarfik Sermersooq
sanaartortitsisartullu Ístak Nuummi Atuarfiup Inussuup naammassineqarnissaanut
qulakkeerutaasumik isumaqatigiissuteqarput.
Sanaartortitsisut Ístak maanna
Atuarfik Inussumi tissaluttaatinik ikkussuissallutillu atuarfiup sananeqarnera
2026-mi aggustip tungaanut naammassissavaat. Taama Kommuneqarfik Sermersooq
oktobarip 16-ani nalunaarpoq. Kommuni naapertorlugu Ístakimik isumaqatigiissuteqarnikkut
sanaartorneq ikuallattoqartillugu isumannaallisaanermut tunngatillugu
isumaqatigiinnginneq pissutigalugu sivisuumik unittooreerluni
aallarteqqinneqarsinnaanngorpoq.
– Isumaqatigiissutip
kingunerisaanik Atuarfik Inussuk sanaartornissamut aningaasaliissutit
siusinnerusukkut Kommunalbestyrelsimit akuerineqareersut iluanni
naammassineqarsinnaassasoq naatsorsuutigaarput. Taamaammat
isumaqatigiissuteqarnikkut suliniutip ingerlatiinnarneqarnissaa
qulakkeerneqarpoq, illuatungeriinnullu tamanut aningaasaqarnermut tunngatillugu
erseqqissaassutaallunilu eqqissiallannermik pilersitsivoq, Kommuneqarfik
Sermersuumi Sanaartornermut Avatangiisinullu Ingerlatsivimmi pisortaq Søren Sohn
Krog Pedersen Sermitsiamut allappoq.
Isumaqatigiissut
avammut saqqummiunneqanngitsoq
Isumaqatigiissut sunerpiaq
imaqarnersoq Kommuneqarfik Sermersuup Ístakillu saqqummiukkumanngilaat. Taamaammat
aningaasartuutit qanoq agguataarneqarnersut sanaartornerlu
ingerlateqqinniarlugu aningaasatigut inatsisitigullu
isumaqatigiissuteqartoqarsimanersoq suli ilisimaneqanngilaq.
Suliniut sanaartornermut
aningaasaliissutit 750 millionit koruuniusut, atuarfimmik meeqqerivimmillu
sanaartornermut atorneqartussat, iluanni naammassineqarnissaa
naatsorsuutigineqartoq kommunimit ilisimatitsipput.
Atuarfiliornissamut 695
millionit koruunit missingersuutigineqartut, allaaserisami Sermitsiami
sapaatip-akunnerata siuliani saqqummertumi allaaseraarput. Kisitsisit taakku
Sermitsiami allaaserisamit siusinnerusumeersumit aallaaveqarput, tassani
kommunalbestyrelsip milliardinik taarsigassarsinissamik akuersinerani
meeqqerivimmut atuarfimmullu qanoq aningaasaliisoqarnersoq takuneqarsinnaammat.
Sanaartornermut
aningaasartuutit
Allagaatinik septembarimi
takunnissinnaanikkut misissuineq naapertorlugu isumaqatigiissutip
atsiorneqarneraniilli allannguinerit isumaqatigiinniarnerillu arlallit kingorna
Atuarfik Inussummik sanaartorneq qaffalluni 633 million koruuneqartoq
atuarneqarsinnaavoq.
Sanaartornermut
aningaasartuutit 633 millionit koruuninit 695 millionit koruuninut
qaffanneqarnerannut allanneq kukkunerusoq Kommuneqarfik Sermersuumiit
erseqqissarneqarpoq. Tassalu oqaatsit isumaqatigiissummi aningaasartuutissat
sanaartornermilu aningaasartuutit akulerunneqarnerat pineqarmat.
Kommunalbestyrelsi 2022-mi
atuarfiliornissamut meeqqeriviliornissamullu katillugit 750 millionit
koruuninik aningaasaliissuteqareernikuuvoq, aningaasaliissutillu taakkua iluani
sanaartorneq naammassineqarsinnaassasoq suli naatsorsuutigineqarpoq.
