Inuussutissarsiornermut, Aatsitassanut,
Nukissiutinut, Inatsisit Atuutsinneqarnerannut Naligiissitaanermullu
Naalakkersuisup Naaja H. Nathanielsenip, Inuit Ataqatigiit, Avannaata
Kommuniani borgmesterip Lars Erik Gabrielsenip, Siumut, takornariaqarneq pillugu
sulineranik tusagassiuutinut nalunaaruteqarluni sakkortuumik isornartorsiuinera
borgmesterip allaffianut tupppianngitsorluunniit, borgmesterip malartaatsup
tunuliaqutaasa Siumup Naleqqallu qamutiliit Naaja H. Nathanielsenimut
saatippaat.
Kisiannili kommunalbestyrelsimi
illuatungilittut Demokraatit Avannaata Kommuniani borgmesterip
isornartorsiorneqarnera inissaminiissoraat.
Inuussutissarsiornermut, Aatsitassanut,
Nukissiutinut, Inatsisit Atuutsinneqarnerannut Naligiissitaanermullu
Naalakkersuisup Naaja H. Nathanielsenip, Inuit Ataqatigiit, Avannaata
Kommuniani borgmesterip Lars Erik Gabrielsenip, Siumut, takornariaqarneq pillugu
sulineranik tusagassiuutinut nalunaaruteqarluni sakkortuumik isornartorsiuinera
borgmesterip allaffianut tupppianngitsorluunniit, borgmesterip malartaatsup
tunuliaqutaasa Siumup Naleqqallu qamutiliit Naaja H. Nathanielsenimut
saatippaat.
Kisiannili kommunalbestyrelsimi
illuatungilittut Demokraatit Avannaata Kommuniani borgmesterip
isornartorsiorneqarnera inissaminiissoraat.
Sakkortuumik appisaluussineq
“Akuersaarneqarsinnaanngitsumik
takornarissanut takornarialerisunullu sioorasaarisoqarlunilu
nilliasoqarsimasorlu Naalakkersuisunut paasitinneqarput.
Isumaqatigiinngitsoqarsinnaavoq inissaqartinneqassaarlu, taamaakkaluartorli
unnerluutiginninnerit, sioorasaarinerit sakkortusaarnerillu
akuerineqarsinnaanngillat unitsinneqartariaqarlutillu.” Taama
aallarniuteqarluni Naalakkersuisut sinnerlugit Naaja H. Nathanielsen Lars Erik
Gabrielsen pillugu marlunngormat tusagassiuutinut nalunaarpoq.
Avannaata Kommuniani borgmesteri
ingerlatsiviit aalajangersimasut taakkartorlugit akerliussutsimik
takutitsinermut aggersaasimasoq Naalakkersuisut maluginiarsimagaat taanna aamma
allappoq.
“Kommunip tamakkiisumik politikkia
sinnerlugu borgmesteri saqqummertarpoq, akerliussutsimillu takutitsinissamut
aggersaanikkut, Avannaata Kommuniani takornarialerisut akuerisaasut pisortat
aaqqissugaannik akerliussutsimik takutitsiffigineqassasut ersarittumik
takutinneqarpoq. Tamanna pisortat suliassaannik ilungersuutigisamillu
ingerlatsinermik akuleriissitsineruvoq tulluanngitsoq”. Naaja H. Nathanielsen
ilaatigut allappoq.
Akulerunneq akuersaarneqarsinnaanngitsoq
Avannaata Kommuniani Siumup Naleqqallu
2025-miit 2029-mut suleqatigiinnissamut isumaqatigiissutaat naapertorlugu,
takornarialerineq nunaqavissut aallaavigalugit ineriartortinneqassaaq aammalu
suliffeqarfissuit nunatta avataaneersut tamakkiisumik Ilulissani
angerlarsimaffeqarfeqartinneqalernissaat aqqutissiuunneqassaaq.
Avannaata Kommuniani borgmesterip
tullersortaa siulleq aamma Inatsisartunut ilaasortaasoq Jens Napãtôᴋ',
Naleraq, kissaammersimaqisoq sakkutuutut aalajaatsutut borgmesteri illersorlugu
oqaatsit imaannaanngitsut atorpai.
- Avannaata
Kommuniani borgmesteri amerlanerussuteqartunit tunuleqarluni sulivoq,
taamaattumik borgmesterip taamatut isornartorsiorneqarnera akuerinngilara.
- Naalakkersuisut
kommunalbestyrelsip sulineranut akulerunnerat kikkut tamat oqartussaanerannik
innarliineruvoq, tamannalu akuersaarneqarsinnaanngilaq.
- Nunaqavissut
inuussutissarsiornerup iluani pitsaanerpaamik atugassaqartinneqarnissaat
pillugu sulinerput Naaja H. Nathanielsenip akerlilersorpaa, akerlianillu
suliffeqarfissuit nunatta avataaneersut taassuma illersorpai, tamannalu
ajuusaarnarpoq, taanna oqarpoq.
Disko Linep takornarissanik sullissinera
Naalakkersuisunit misissuiffigineqartariaqartoq piffissami kingullermi
Avannaata Kommuniani borgmesterip piumasaraa, tamannalu ilaatigut peqqutaalluni
Lars Erik Gabrielsen Naalakkersuisunit maannakkut sakkortuumik
isornartorsiorneqartoq, Jens Napãtôᴋ' isumaqarpoq.
Suleqatigiinneq
naliliiffigineqartariaqartoq
Takornariaqarnerup nunaqavissunut
kommunimullu annertunerusumik iluaqutaalernissaa pillugu Avannaata Kommuniani
kommunalbestyrelsimi amerlanerussuteqartut sulinerat Naalakkersuisuniit
akerlilersorneqarnera paasiuminaatsikkini Siumup gruppiani siulittaasoq Jakob
Petersen oqarpoq.
- Naalakkersuisut
kommunalbestyrelsip sulineranut akuleruttussaanngillat, taanna oqarpoq.
Siumut aamma Inuit Ataqatigiit
Naalakkersuisuni suleqatigiipput, Naaja H. Nathanielsennillu borgmesterimut
Siumuminngaanneersumut taamak sakkortutigisumik isornartorsiuinera
tunngavigalugu partiit taakku marluk suleqatigiinnerat Siumumi
siulersuisuunerit naliliiffigisariaqaraat Jakob Petersen isumaqarpoq.
Isornartorsiuineq pissusissamisoortoq
Avannaata Kommuniani kommunalbestyrelsimut
ilaasortap Lena Ravn Davidsenip, Demokraatit, oqarnera naapertorlugu Lars Erik
Gabrielsenip isornartorsiorneqarnera pissusissamisoorpoq.
- Ilumoorpoq
takornariaqarnerup iluani suliassaqarpugut, kisianni borgmesterip
takornarialerisunik aaliangersimasunik sakkortuumik siorasaarutitalinnik
isornartorsiuisarsimanera akuersaarneqarsinnaanngilaq, taanna oqarpoq.
Borgmesterip takornariaqarneq pillugu
taamatut saqqummertarnera Ilulissani takornariaqarnermut innarliisiinnaasoq,
tamannalu pillugu Demokraatit qisuariaatissaat maannakkut suliarineqartoq, Lena
Ravn Davidsen oqarpoq.
