Biilit Kalaallit Nunaanniittut suli amerliartortut
Kalaallit Nunaanni biilit ukiup aallartinnerani 7.000-it sinnillit nalunaarsorneqarsimapput. Biilit innaallaagiatortut amerleriartut biilit usisaatillit ikileriarsimapput.
Nuummi malugineqarsinnaavoq, ukiuni kingullerni Kalaallit Nunaanni aqqusinerni biilit amerlisimammata.
Assi: Leiff Josefsen
Qamutit normulerneqarsimallutik nalunaarsukkat 15.434-inik 2025-mi januaarip aallaqqaataani amerlassuseqartut Naatsorsueqqissaartarfiup kisitsisaataani takuneqarsinnaapput.
Tassani qamutit motoorillit akileraartusaatitaasut akileraarutaanerlu ajortut kisitsisinut ilaapput. Kalittakkat assigisaallu motooreqanngitsut.
Biilit 2025-mi januaarip aallaqqaataani 7.088-iusimapput, taakkunannga 4.605-it inunnit pigineqartut 2.483-it suliffeqarfinnit pigineqartutut nalunaarsorsimapput.
Biilit ukiup ataatsip ingerlanerani 4,3 pct.-imik amerlisimapput. Biilillu usisaatillit ukiup siulianut sanilliullugit 5,8 pct.-imik ikilisimallutik.
Biilit taamaalillutik ukiut ingerlaneranni amerliartorusaarnerat ingerlaannarpoq:
Najoqqutaq: Akileraartarnermut Aqutsisoqarfiup biilinut nalunaarsuiffia Kalaallit Nunaanni Naatsorsueqqissaartarfimmit uppernarsarneqarsimasoq
Biilit innaallagiaq tamakkiisumik atorlugu aamma innaallagiaq tapiliussatut atorlugu ingerlasut (hybridbilit) nalunaarsorsimasut aamma amerliartorput. Katillugit 2.268-it naatsorsorneqarsimapput, taakkunannga hybridit amerlanerullutik.
2025-mi januaarip aallaqqaataani qamutit motoorillit 5.511-t akileraartussaatitaanngillat. Taakku ilaatigut tassaapput qamuteralaat, inuussutissarsiutinut atorneqartut, savaatillit qamutaat, biilillu pisortat sullissinerannut atorneqartut soorlu politiit qatserisartullu biilii.
