Mette Frederiksen kunngip misissuititareqqileraa

Arfininngornermi kunngimi siunnersuiffigeqatigiinnerup kingorna ministeriunerugallartoq Mette Frederiksen (S) aammaarluni kunngip misissuititarissagaa paasinarsivoq.

Taama Amalienborgimi Kunngi Frederik ataatsimeeqatigereerlugu oqarpoq.

- Qaammatit marluk matua siorna Danmarkimi folketingimut qinersisoqarpoq. Maannalu aamma naalakkersuisunik pilersitsisoqartariaqartoq isumaqarpunga, taanna oqarpoq.

Taanna partiinik qiterlernit saamillernut, Socialdemokraatinik, SF-mik, Radikalenik, Moderarterinillu peqataaffigineqartumik naalakkersuisunngortitsinissamik sulissuteqarluni oqarpoq.

Kunngip misissuititaata sapaatiuppat pinsellu ingerlanerani isumaqatiginninniarnernik nangitsissalluni ilimagaaa.

Arfininngormat ullaap tungaani Venstrep siulittaasuata Troels Lund Poulsenip (V) Liberal Alliancemik Konservativinillu peqateqarluni naalakkersuisunngortitseriarnerup, Moderatiit taperserneqannginnerata kinguneranik kunngimik siunnersuiffeqarneq pisariaqalerpoq.

- Ulluni makkunani Danmarkimi talerperliit katersuussinnaannginnerat siammasissumillu katitikkamik naalakkersuisunngortitsinnaaneq pisinnanngitsoq ersarissivoq, Mette Frederiksen Amalienborgip saavani oqarpoq.

Troels Lund Poulsen, piginnaatitsissummik Mette Frederiksenimut ingerlatitseqqinnissani sioqqullguu, ulluni 14-ni naalakkersuisunngortitsiniarluni isumaqatiginninniarnerni siuttuuvoq.

Qaqugu naalakkersuisunik nutaanik pilersitsinissaq ilisimagisinnaanerlugu Mette Frederiksenip oqaatigiumanngilaa.

- Erseqqissumik ulluliisinnaannilanga, sukataarullugulu isumaqatiginninniarnissaq inaarutaasumillu isumaqatiginninniarnissaq oqaasertalissagukku, taava qanittumi naalakkersuisunngortitsisoqassaaq, taanna oqarpoq.

Kunngip misissuititaa SF-mik, Moderatiik Radikaalinillu sapaatiuppat Marienborgimi isumaqatiginninniassasoq, Socialdemokraatit tusagassiorfinnut nalunaarumminni oqaatigaat.