Aasiaat
2.992-inik inoqartoq Kommune Qeqertalimmi illoqarfiit annersarat, tassunga
tulliullutik Qasigiannguit 961-nik, Qeqertarsuaq 799-inik Kangaatsiarlu
481-inik inoqarput.
Inuit
Ataqatigiit, IA, Aasianni taaguunneqarluartarput, taamaattumillu Kommune
Qeqertalik 2018-imi pilersinneqarmalli IA Aasianninngaanneersumik
borgmesteriutitaqartarpoq, Aasiannilu qinersisartut illoqarfimmioqatiminnik
taasisarnerat misilittakkat takutippaat.
Aasiaat
2.992-inik inoqartoq Kommune Qeqertalimmi illoqarfiit annersarat, tassunga
tulliullutik Qasigiannguit 961-nik, Qeqertarsuaq 799-inik Kangaatsiarlu
481-inik inoqarput.
Inuit
Ataqatigiit, IA, Aasianni taaguunneqarluartarput, taamaattumillu Kommune
Qeqertalik 2018-imi pilersinneqarmalli IA Aasianninngaanneersumik
borgmesteriutitaqartarpoq, Aasiannilu qinersisartut illoqarfimmioqatiminnik
taasisarnerat misilittakkat takutippaat.
Aasiaallu illoqarfinnut allanut
naleqqiullugu inuttunerunera, taassumalu malitsigisaanik taasisinnaasut
amerlanerunerat pissutaalluni, ukioq manna kommunalbestyrelsimut qinersinermi
illoqarfinni allaneersumik IA-minngaanneersuunngitsumillu borgmesteriutitaqalernissaq
ajornakusoorsinnaasoq, taamaakkuartorli periarfissat tamarmik ammasut, Sermitsiap nittartakkatigut aaqqissuisoqarfiani
tusagassiortoq, politikkikkullu pisunut malinnaasoq, Jensine Berthelsen naliliivoq.
IA-p
angerlarsimaffia
2021-mi kommunalbestyrelsimut
qinersinermi IA Kommune Qeqertalimmi katillugit 1.746-nik taaguunneqarpoq,
Aasiannilu taasisinnaasunit 2.421-usunit 1.010-it IA-mik taasipput. Taamanikkut
Peter Olsen, IA, amerlanerpaanik taaguunneqarluni 442-nik taaguunneqarpoq,
taassumali aamma 255-inik taaguunneqarluni Inatsisartunut ilaasortanngornermi
kingorna Ilinniartitaanermut, Kultureqarnermut, Timersornermut
Ilageeqarnermullu Naalakkersuisunngornissani toqqarmagu, Ane Hansen, IA,
387-nik taagunneqartoq aamma qinigaaffiup siuliani borgmesteriusimasoq
borgmesterinngoqqippoq.
Siumut
unammillertoq
2021-mi
kommunalbestyrelsimut qinersinermi Kommune Qeqertalimmi partiit taaguunneqarnerpaat
tullia Siumut katillugit 843-nik taaguunneqarpoq, taakkunannga 257-it
Aasianninngaanneerlutik. Taamaakkaluartoq ukioq manna qinersinermi
borgmesterinngortitsinissaq pimoorullugu anguniarneqartoq, kommunalbestyrelsimi
Siumup gruppiata siorna decemberimi Sermitsiamut oqaatigaa.
Tamannali
anguneqassappat Siumut annertuumik unammilligassaqarpoq, tassami 2021-mi
qinersinermi Qasigiannguaninngaanneersoq Aqqa Samuelsen, Siumut, 155-inik
taaguunneqarluni Siumumi amerlanerpaanik taaguunneqarpoq.
Periarfissat
tamarmik ammasut
Qinersinerni
kingullerni amerlasuuni IA Aasianni taaguunneqarnerpaasarpoq, taamaattumillu tupaallannartumik
pisoqanngippat ukioq manna kommunalbestyrelsimut qinersinermi partiit allat
Kommune Qeqertalimmi borgmesteriutitaqalernissaat ajornakusoorsinnaasoq,
Jensine Berthelsen isumaqarpoq.
- Kommunini
illoqarfiit pingaartut isigisaasut illoqarfinnut allanut naleqqiullugit
innuttaqarnerujussuusarput, taakkulu borgmesteriutitaqartarnerat misilittakkat
takutippaat.
- Qinersinissamut
piffissaq sivisujunnaarpoq, taamaakkaluartoq partiit anguniakkatik pillugit
saqqumilaarnerat suli annikitsuararsuuvoq, Kommune Qeqertalimmilu politikkikkut
allannguisoqassappat partiit borgmesterinngortitassaminnik ersarissumik
nalunaaruteqarnissaat piffissanngorpoq.
- Sumiiffimmi
nalunngisat ilisarisimasallu qinerneqartarneri misilittakkat takutippaat,
taamaakkaluartoq, qinersinerup kingorna qanoq ililluni
suleqatigiiliortoqarsinnaanersoq partiit paasilerunikku kia
borgmesterinngortinneqarnissaanut periarfissat tamarmik ammapput, taanna
oqarpoq.
Aasianni
qinersisartut amerlanerpaapput partiillu borgmesterinngortitsinissaq siunertarigunikku
qinersisartut amerlanerpaat sumiiffiata qiterpiaa partiit tamarmik pilernguttariaqaraat, Jensine Berthelsen
oqarpoq.
2021-mi
kommunalbestyrelsimut qinersinermi Kristian Jeremiassen, IA, 198-inik
taaguunneqarluni partiimi taaguunneqarnerpaat pingajuattut inissippoq, taannalu
maannakkut kommunalbestyrelsimut Inatsisartunullu qinigassanngorteqqippoq.
Taassuma Aasiaat ineriartortinneqarnissaa ersarissumik qineqqusaarutigisarpaa,
borgmesterillu issiavianut inginnissamut kisitsisit naammattut
pissarsiarissagunigit tamanna pisussaaffittut akueralugu tigussagini oqaatigaa.
