Neqeroorummi oqarasuaammik angallattakkamik danskiusumik - Kalaallit
Nunaanni atuisoqarsinnaanngikkaluartoq, immikkullu akileqqaarnani - danskit
angallattakkamik oqarasuaateqarnermik atuisunik nunani allani atuisinnaanermik
periarfissiisumi Kalaallit Nunaat ingerlatseqatigiiffiup atuisunut
neqeroorutaaniit nuannarineqarluartumit 3LikeHome-mit maanna peerneqarpoq.
Neqeroorummi oqarasuaammik angallattakkamik danskiusumik - Kalaallit
Nunaanni atuisoqarsinnaanngikkaluartoq, immikkullu akileqqaarnani - danskit
angallattakkamik oqarasuaateqarnermik atuisunik nunani allani atuisinnaanermik
periarfissiisumi Kalaallit Nunaat ingerlatseqatigiiffiup atuisunut
neqeroorutaaniit nuannarineqarluartumit 3LikeHome-mit maanna peerneqarpoq.
3 NITTARTAKKAMINI PAASISSUTISSIIVOQ
Kalaallit Nunaanni
nunanut allanut oqarasuaatikkut attaveqarnermut atugassarititaasut
allanngorluinnarnerat pissutigalugu ajoraluartumik 3LikeHome Kalaallit Nunaanni
atuukkunnaarpoq. Taamaammat Kalaallit Nunaanni oqarasuaatit angallattagaq
atorlugu oqarasuaatikkut, sms-ikkut aamma internetikkut attaveqarnerit
ataasinngornermi oktobarip 14-ianniit atuinermut akitsuuserneqassapput.
Kalaallit Nunaanni
atuinermi akit ataasinngornermiit 2024-mi oktobarip 14-ianiit atuutilersut:
Danmarkimut sianerneq:
0,45 kr./min. Kalaallit Nunaannut sianerneq: 0,45 kr./min. Sianerfigitinneq:
5,15 kr./min. Data: 4 kr./MB (50kB-imut). SMS: 0,18 kr./sms (nalinginnaasumik
160-inik naqinnertaqartartut). Sianernerit oqarasuaatinut nammineq akisartunut
nuunneri: 0 kr./min.
Neqeroorut maajip aallartinnerani atulersinneqartoq nuannaarutaalluarpoq
– minnerunngitsumik atuisunut Danmarkip Kalaallit Nunaatalu akornanni
angalakulaartunut.
Maannali unippoq – ingerlatseqatigiiffiup nittartakkamini
allanneratuut niuerfimmi atugassarititaasut allanngornerat pissutigalugu.
Peqqutaasoq paasiuminaattoq
Niuernermi atugassarititaasut allanngornerat qanoq paasisariaqarnersoq
nalinginnaasumik oqaatsit atorlugit 3-mit oqaatigiumaneqanngilaq.
3 Sermitsiamut allakkatigut ima akissuteqarpoq:
”Inuit ataasiakkaat 3LikeHome-mik atuisut Kalaallit Nunaanni
atuisinnaanissaat suli neqeroorutigerusukkaluarparput, ajoraluartumilli
Kalaallit Nunaanni 3LikeHome-mik atuisunut neqeroorutiginnittalernitsinniit
ingerlatsinermi atugassarititaasut allanngorluinnarnikuupput.
Tamanna ajoraluartumik Kalaallit Nunaat atuisunut ataasiakkaanut
neqeroorutigisinnaajunnaaripput isumaqarpoq. Suliffeqarfiilli 3-mik
atuisut Kalaallit Nunaat 3LikeHome-mik atuisuunermikkut pigiinnarsinnaavaat.
Sapinngisamik
pilerinarnerpaamik neqerooruteqarusuppugut, taamaammat pissutsit allanngorpata
soorunami Kalaallit Nunaata 3LikeHome-mut ilanngunnissaa
eqqarsaatigeqqikkusupparput.”
Akulikitsumik
allannguisoqartartoq
Kalaallit Nunaanni
attaveqaatinut atuisunut sinaakkutissanik aalajangersimasunik
isumaqatigiissuteqartoqanngitsoq – attaveqaatilli tungaatigut nalinginnaasumik
roamingimut isumaqatigiissutit isumaqatigiinniutigeqqinneqartartut 3
Sermitsiamut itisiliilluni allappoq.
Tusass Kalaallit Nunaanni
attaveqaammik ingerlatsisuuvoq. Ingerlatseqatigiiffiup 3 maajimi
isumaqatigiissuteqarfigaa, taassumalu kalaallit angallattakkamik
oqarasuaateqarnermik atuisuusut oqarasuaatitik Kalaallit Nunaanneersut nunani
allani atorsinnaanissaannik periarfissanik assingusunik neqerooruteqarput.
3-p aalajangernera
suleqatigiinnermut sunniuteqassanngitsoq Tusass ilisimatitsivoq.
Allannguutittaaq angallattakkanik oqarasuaateqarnermik atuisunut Kalaallit
Nunaanniittunut sunniuteqassanngillat.
3 maannakkut nunarsuup
annersaani, Afrika maannalu aamma Kalaallit Nunaat minillugit, nunani 78-ini
atorneqarsinnaavoq.
