KL

DK

Danskit naalakkersuisuinit isummamik allannguineq: 
Meeqqanik arsaarinninnissamik suliaqartoqartillugu danskit misissuisarnerat pillugu Naalakkersuisut isumaqatigiissuteqarfigineqarput 

Sapaammi tusagassiorfinnut nalunaarummi erserpoq, danskit naalakkersuisuisa isumakulunnartutut isigigaat kalaallit ilaqutariinnut misiliisarnernut tunngasut. - Nalorninartumik inissisimaneq aallaavigalugu danskit naalakkersuisui Naalakkersuisut peqatigalugit aaqqiissutissamik ataatsimoorussamik nassaarput. 

Keira Alexandra Kronvold-ip novembarimi ernerluni qitornaa Zammi arsaarinnissutigineqarpoq Danmarkimi angajooqqatut piginnaasat pillugit misissuisarnerit aallaavigalugit. Tamanna sakkortuumik isornartorsiorneqarpoq, maannakkullu danskit naalakkersuisui naaperiaapput, Naalakkersuisut peqatigalugit aaqqiissutissamik nassaarniarlutik isumaqatigiissuteqarlutik. Isumaqatigiissutip imarisai qanoq iluseqassanersut sapaatip akunnerata tulliani saqqummiunneqassapput, Social- og Boligministeriet tusagassiorfinnut nalunaarummi sapaammi allappoq.
Trine Juncher Jørgensen
TUSAGASSIORTOQ / JOURNALIST
Saqqummersinneqarpoq

Folketingimi Marlunngormat siunersiuisoqarpoq meeqqanik angerlarsimaffiup avataanut inissiisoqartarnera pillugu, tassanilu danskit isumaginninnermut ministeriat Sophie Hæstorp Andersen oqarpoq, kommunit danskit tarnip pissusaanik misissuisarnerat unitsissinnaanngikkini suliassani kalaallinut tunngasuni, aamma aalajangiisinnaatitaannginnami misissuisarnerit nutarterneqarnissaat piumasaqaatigisinnaanngikkini, tarnip pissusaanik misissuisarnerit atorneqartartut eqqarsaatigalugit.

Maannali ullut arlallit qaangiummata - aamma Donald Trumpip Kalaallit Nunaannut soqutiginninnerata kingorna - nipi allanngorpoq.

Maannakkut oqaatigineqarpoq, danskit naalakkersuisui aamma Naalakkersuisut ataatsimoorussamik aaqqiissutissamik isumaqatigiissuteqarsimasut, danskit tarnip pissusaanik misissuisarnerisa atorneqartarnerannut suliassat pillugit meeqqat kalaallit ilaqutariinni inissinneqartarnerannut tunngatillugu.

Social- og Boligministeriap tusagassiorfinnut nalunaarutaani nutaami erserpoq, "Danskit naalakkersuisuisa pimoorussillutik isornartorsiuineq tusaavaat, taakkua misissuisarnerit kalaallit kingoqqisuinik ilaqutariinnut suliassani pineqartillugit. Apeqqummik saqqummiunneqartup kingunerisaanik, danskit naalakkersuisui aamma Naalakkersuisut ataatsimoorussamik aaqqiissutissamik nassaarput."

Tusagassiuutitigut nalunaarummi aamma erserpoq danskit naalakkersuisui siunnersuummik saqqummiutissagaa folketingimi ataatsimiinnermi matumani. Paasissutissat sukumiinerusut ilusilersornerilu sapaatip akunnerata tulliani saqqummiunneqassasut ilanngullugu ilisimatitsissutigineqarpoq.

inuiaqatigiit grønland folketinget anbragte børn psykologtest sophie hæstorp andersen samfund

ATORFIIT Se alle jobs

Powered by Labrador CMS