Decembari 2024-mut horoskopi

Anguteralak (21.03-19.04)

Naammagittarit.

Ilinniarusoqalutillu misigisassarsiorusoqaatit, aallartitsinnagilli isumaliutissaqaaluppoq. Qujanartumik ilungersunartunut piareersimajuartuuvutit, aamma ilunnit aallaaveqartuni, angusaqapallannissalli naatsorsuutigissanngilat. Ukiutoqqami sulininni qaffasissunik angusassigit, sapinngisallu tamaat isertorlutit sulissutigalugit. Mikisut allisarput, naallu suliaq aallartitat sivisujaamik inerikkiartortarpoq maannakkut aallartittariaqarputit.

Angutikulooq (20.04-21.05)

Siunissamut ungasissumut aningaasaqarnikkut isumaqatigiissutit qimerluukkit, misissorlugulu piffissamut suliamullu atukkatit sunik pissarsissutigissanerlugit. Pissusissamisuunngitsumik takusaqaruit kamanniassanngilatit. Aaqqillugu ingerlaqqigit. Inuttut ileqqaakkat ersarissuunissaannik nuannarisalittut – soorlu peqqumaasivik ulikkaartoq, pequtit akisuut kiisalu/imaluunniit konto ulikkaartoq – peqqissaarussinngitsutut isikkoqarputit. Aningaasaliinerit taakku inuunermi ersiornermut takussutissaappat? Ukiutoqqap nalaani ulluni anersaakkut neriunnerit nutarterneqassapput. Angalanerit, ilinniarneq misigisassallu ukioq manna aallartinneqartut pissanganartunik periarfissaqarput.

Marlulissat (22.05-21.06)

Aappariinneq qajannartoq pikkunartumik aallarteqqinneqarpoq, taamaattumik Marlulissatut nukissuatit atorlugit eqaatsuuinnarit. Qaammatip imissinerani imminut qiviapallagit, eqqaamalluguli tamanna sivikitsuaraassammat. Tamatuma kingunitsiaa attavigisat pingaarutillit oqimaaqatigiileqqissapput. Ingerlaqqissinnaavusi, immaqa allaat peqatigiillusi. Naak periuserisartakkatit ilisimaneqaraluartut 2025 tungaanut isertuussigallassaatit. Inuttut inuunerit inissippat pitsaasunik isumaqatigiissuteqarnikkut sulininni anguniakkatit qaninnerulersinnaavatit.

Peqquk (22.06-22.07)

Decembarip aallartinnerani ileqqutit apeqqusersukkit, suliffinni suliniummik nutaamik aallartitsillutit imaluunniit peqqinnartunik nerisalerlutit. Sivisuumik ilungersornissat piareersimaffigiuk, piffissap ingerlanerani iluarsiisarlutit Maluginiaruk allanut qanoq annertutigisumik tunisisarnersutit, ingammik suliffinni, taava takulissavat piffissap ingerlanerani iliuuserisatit taakku tamarmik akilersinnaasut. Periuserisat ajortuunngilaq, atasinnaasariaqarporli. Ilisarisimasanik attaveqarunnaarnissaq sissueruk, ingammik ukiutoqqami eqqorsinnaammatit. Inuttut misilittakkat pillugit allanit ilinniakkatit tamaasa isumaliutigikkit.

Løveq (23.07-22.08)

Piffissami sivikitsumi piffissamilu sivisuumi naammagisimaarinninnerup akornanni oqimaaqatigiinnerup suuneranik nassaarniarneq kipiluttunarsinnaavoq. Suut maannakkorpiaq ilinnut pitsaasuunersut misissornissaannut piffissaqartigit. Qaammatip imissinnerata nalaani kikkunnit siunnersorneqarnersutit mianersuutigiuk, imaassinnaavormi meeqqavit peeqqavilluunniit kingullertigut toqqaanitit pillugit eqqortoq tamakkiisoq oqaluttuarinngikkaat. Peqqinnissat inuummarinnissallu pillugit aalajangiinitit qitiusariaqarput, 2025-imut appakaakkuit. Stressi kimulluunniit iluaqutaanngilaq aamma ilinnut. Eqqortunik ileqqoqarnikkut pitsaasumik sivisuumillu inuusinnaavutit.

Niviarsiaq (23.08-22.09)

Qaammat aallartiinnartoq angerlarsimaffiit ilaquttatillu sammeqqupput. Sulinermi anguniakkatit kissaatigisatillu annertuut angerlarsimaffinnit tunngaveqarmata, qanigisavit attavigilluarnissaat pisariaqarpoq. Akerlerisutut ilinnik isigisut soqutinaveersaakkit, namminerlu iluatsinnissat sammiinnarlugu. Ukiortaami qaammatip nutaap iluaqutissartai annertunerpaatikkit ilisimassuseq piffissamut sumulluunniit tunnganngitsoq atorlugu.

Oqimaalutaavik (23.09-22.10)

Eqqarsaatitit naammagittarlutit eqqarsaatigikkit. Siusippallaamik aaqqiinissamut ilungersornaveersaarlutit, aqqutinni paasissutissarsiorlutit taamaalillutit eqqortumik aalajangiillutit. Qaammatip qiteqqunnerani takorluukkat annertuut isumaliutillu annikitsut imminnut taputartuussinnaapput. Ikinngutinnik oqaloqateqarneq pissutsinik paasiuminarsaanani ajornakusoornerulersitsisinnaavoq. Taamaattumik eqimattani angisuuni imaluunniit suleqatigiinnermut atatillugu annertuunik aalajangeeqinak. Ukiortaaq manna angerlarsimaannarnissannik isikkoqarpoq – imaluunniit tamanna kissaatigineqarluni. ILunni toqqissisimanartitat aggersaavoq, taamaattumik ingerlaqqikkusunnertulli ukioq aallartissinnaavat.

Skorpiooni (23.10-22.11)

Allanik avitseqateqarneq isumassuineruvoq, taamatulli periuseqarneq nalinginnaasumik iluatsinnerusarpoq killissat ersarikkaangata naleqartitallu patajaallutik. Qaammatip imissinerani suliffinni ajornartorsiuteqassaaq ilinnut aalajangiisuusinnaasumik. Aningaasat mianernartutut isikkoqarput; aningaasartuutitit isertitatillu aaqqikkit, annertuunik aalajangiinialersinnak. Skorpioonini pissutsit pissangaammernarsiartorput 2024 naajartortillugu, ukiutoqqallu unnukkuani eqqarsaatitit aqussinnaalissavatit ilungersunartuni periarfissanilu pisussani.

Igeriallaqqi (23.11-21.12)

Piffissami matumani inuuissiortarputit, inuuninnilu sammivittaarnissannut, anguniagassanut siunissamullu piffissaq eqqorpoq, aappariinneq, suleqatigiinneq inuillu ilaaffigisatit pillugit. Qaammatip qiteqqunnerani qaammatip imissisup aalajangiinissaq aapparisannut miloriutissavaa. Uummatit tunngaviusumik allap aalajangigassaraa. Nutaarsiassatsialaavoq pineqartoq ilittuulli illit pisariaqartitannut taamaaqataanik akuersaarmat. Naammagittartariaqarputilli, eqqarsarnissamullu piffissaqarluarputit, siusippallaamik ussernartumut akuersaartinnak. 

Savaasaq (22.12-19.01)

Qimaalaarlutit imminut sammilaarit. Allanut tunniusimavallaarsimavit immaqalu imminut isumagivallaarnak? Suleruloorsimavutit sulilu akissarsiassamik takusaqarnak. Takkutissaqqaartoq qularissanngilat, taamaattumik siunissamut ungasissumut takorluukkatit aalajangiusimakkit, ilungersuinnarlutillu. Ukiutoqqap unnukkuani qaammatit nutaaq suliatoqqat naammassinissaannut pitsaalluinnartumik neqeroorpoq nutaanut inissaqartitsiniarluni. Siunniussassamik toqqaagit ilinnut qanoq igineqarnersoq tunngavigalugu. Qiimmaallannanngippat ilinnoortuusimassanngilaq.

Imertartartoq (20.01-18.02)

Attavigisavit ilaat aapparisamit ikinngutinngorpat, ikinngut aapparisanngorluni imaluunniit alllarluinnaq, piffissanngorsimassaaq nuannersunik pilersitsiortornermillu siunertalinnik suliaqarnissaq. Naak sumi inissisimanerit ilisimaqqissaanngikkaluarlugu inoqatit akornanniinneq suli nuannaraat. Allat peqatigalugit misigisassarsiortarit. Tamatuma aamma iluarutissartaraa pissangaammeriartorninnut annikillisaataanissaa. Pissanganerup aqutamik iperarnera pisut nuanniitsut annertusinissaannik pinaveersaartitsissaaq.

Aalisagaq (19.02-20.03)

Decembarip aallartinneraniit angerlarsimallutit sulinissannut periarfissaqarpoq. Sulinerup imarisaata soorpiarneranik atorfinnut taaguut immaqa tulluaqqissaanngilaq. Qaammatip imissisup kajumissaarpaatit nasserutigissagit, suut allanngorsimanersut, maannakkullu pisuni ingerlalluassaguit iluarsiiniutillu erseqqissarlugit. Allaniit ilisimaneruat sarfaq malillugu nalunneq ajornannginnerusoq. Ukiutoqqap unnukkuani qaammat nutaaq inoqatigiinni anguniakkannut akuersaarpoq, taamaattumik qaagit peqatigalutalu!