Donald Trump USA-mi præsidentimut qinersinermi ajugaavoq
USA-mi qinersinermi republikanerineersoq Donald Trump ajugaavoq, nutaarsiassaqartitsivik AP qinersinermi paasissutissat tunngavigalugit allappoq.
Donald Trump USA-mi præsidentit 47-ssaattut ivertinneqassaaq. AP-p qinersinermi paasissutissarpassuit tunngavigalugit tamanna uppernarsarpaa.
Brian Snyder
Donald Trump 2016-imit ukiut sisamat USA-mi 45-ssaattut præsidentiuvoq.
Maanna USA-mi præsidentit 47-ssaattut ivertinneqassaaq, Washington D.C.-milu Det Hvide Husimi ukiuni sisamani issianissani qilanaarisinnaavaa.
Tamanna nutaarsiassaqartitsiviup AP-p qinersinerit pillugit paasissutissarpassuit tunngavigalugit naqissuserpaa.
Taama nalunaaruteqartoqarpoq Republikanerit præsidentimut qinigassanngortitaata Wisconsinimi ajugaasutut nalunaarutigineqarnerata kinguninngua.
USA-p oqaluttuarisaanerani ataasiaannaq præsidenti piffissami sivisujaami præsidentiusimanngitsoq Det Hvide Hus-imut uternikuuvoq.
Kingullermik taama pisoqarsimavoq Grover Cleveland 1892-imi USA-mi præsidentinngorteqqinneqarmat.
/ritzau/
