Umiarsuaq sakkutuunik assartuut
U.S.A.T. DORCHESTER Tyskit aqqartartuannit qaartartumik 1943-mi
februaarip pingajuanni eqqorneqarpoq.
Dorchester Narsarsuarmi
Amerikamiut sakkutooqarfiannut Bluie West Onemut ingerlaartilluni
inuit 904-t ilaasoritillugit qaartartumeerneqarpoq.Nunap Isuata
kujataata kitaani 100 sømilit missaannik ungasissusilimmi
eqqorneqarpoq, inuit 672-it ajunaarlutik. Umiarsuarmut aamma ilaapput
sakkutuut palasii sisamat, taakku sapiitsuliorlutik annanniutitik
allanut tunniuppaat, annanniutinik tamanut naammattunik peqanngimmat.
Sakkutuut ajunaartut Narsarsuarmi kuup eqqaani iliveqarfimmut
ilineqarput, annattullu Nunatsinniinnerminni Bluie West
Onemiiginnarlutik.
Umiarsuaq sakkutuunik assartuut
U.S.A.T. DORCHESTER Tyskit aqqartartuannit qaartartumik 1943-mi
februaarip pingajuanni eqqorneqarpoq.
Dorchester Narsarsuarmi
Amerikamiut sakkutooqarfiannut Bluie West Onemut ingerlaartilluni
inuit 904-t ilaasoritillugit qaartartumeerneqarpoq.Nunap Isuata
kujataata kitaani 100 sømilit missaannik ungasissusilimmi
eqqorneqarpoq, inuit 672-it ajunaarlutik. Umiarsuarmut aamma ilaapput
sakkutuut palasii sisamat, taakku sapiitsuliorlutik annanniutitik
allanut tunniuppaat, annanniutinik tamanut naammattunik peqanngimmat.
Sakkutuut ajunaartut Narsarsuarmi kuup eqqaani iliveqarfimmut
ilineqarput, annattullu Nunatsinniinnerminni Bluie West
Onemiiginnarlutik.
Aamma
qallunaat 16-it umiarsuarmut ilaapput, taakkunannga pingasuinnaat
annallutik. Taakku Ivittuunut ingerlaaraluarput orsugiassiorfimmut
suliartorlutik. Annassimasut ilagaat Tony Bisgaard, Narsami
najugaqalersoq, taqqavanilu 1994-imi toqussi tikillugu
qalipaasartuullunilu marriortuullunilu.
Dorchester Sorsunnersuarmi Kingullermi Narsarsuarmi talittarfimmiittoq.
Assi: Vernon T. Wetherell 1942
Narsarsuarmi
iliveqarfik umiarsuup umiunerani ajunaartorpassuarnut iliveqarfiusoq
1947-48-mi Amerikamiunit atorunnaarsinneqarpoq. Ilerrit piiarneqarput
sakkutuullu ajunaarsimasut timaat USA-mut nassiunneqarlutik.
Qallunaat tungaannit isumaqartoqarami ajunaarsimasunut suli
eqqaassutissaqartariaqaraluartoq, taamaattumik aggustip 24-anni
1948-mi Ivittuuni iliveqarfimmut eqqaassutissaq bronzemik sanaaq
umiarsuup aqqanik aamma qallunaat ajunaartut 13-it aqqinik
allassimasoqartoq napparneqarpoq. Eqqaassutissaq ullumikkut suli
takuneqarsinnaavoq.
Narsarsuup
Katersugaasiviani Dorchesterip umiunera palasillu sisamat pillugit
saqqummersitsineq 2015-imi ammarneqarpoq. Tamanna pivoq USA-mi The
Four Chaplains Memorial Foundation suleqatigalugu.
Narsarsuarmi iliveqarfik, qaqortunik qisunnik sanningasulik.
Assi: Danske Telegrafister 1946
Ajunaartut
allattorsimaffiat katersugaasiviup ataavartumik saqqummersitaannut
ilanngunneqarpoq.
Dorchesterip
umiiarnera,
sorsunnersuup kingulliup nalaani umiarsuit ajunaarnerisa
annersaanni, ajunaartut
inuunerminnik
pilliuteqarsimanerat
Kalaallit Nunaanni
1948-miilli eqqaaniartarpavut ataqqiniartarlugillu.
Ullutsinni
kiffaanngissuseqarluta inuusinnaaniassagatta inuunertik akigaat.
Tamanna puigortariaqanngilarput.
Umiarsuup ajunaarneranut eqqaassutissaq Ivittuuniittoq.
Assi: Peter Barfoed 2016
Eqqaassutissami allassimasut:
EQQAASSUTISSAMI
MATUMANI ATAQQINIARNEQARPUT QALLUNAAT ANGUTIT 13-IT IVITTUUNUT
INGERLAARTILLUTIK 1943-MI FEBRUAARIMI ISSEQISUMI TAAQISUMILU
UNNUAKKUT AJUNAARTUT,
TASSA
S/S DORCHESTER TYSKIT AQQARTARTUANNIT QAARTARTUMEERNEQARLUNI NUNATTA
KUJATAATA SINERIAANI AJUNAARMAT.
EJNER
REINHOLD PETERSEN, HENRIK ENGQUIST, HOLGER ANDREASSEN, AXEL C.
ANDERSEN, ANDRY M.K. SØRENSEN, AKSEL G. FREDERIKSEN, KNUD BJØRN
KLEBERG, RICHARD B. LARSEN, GUNNAR JØRGENSEN, JOHANNES SOFUS BOYE,
JOHS. DAHLERUP KOCH, HELGE K. THOMSEN, OLAF ANDREAS HANSEN, NAKORSAQ S/S DORCHESTER 3-2-1943
