Kokaini pillugu suliami annertuumi eqqartuussut saqqummiunneqareersorlu unnerluussisup pineqaatissinneqartullu tamarmik ulluni 14-ini eqqarsarnissamut piffissaminnik atuiniarlutik aalajangernerat paasinarsinnaavoq. Illuatungeriit eqqartuussut arlalitsigut iluarisimaarsinnaavaat, tamakkiisumiinngitsorli. Eqqarsaatigisariaqarpoq.
Toqutsisimasoqarsimatillugu pineqaatissiisarnerup ukiuni arfineq-marluusarnera sanillersuutissagaanni S-ip kokainilerisimasutut cannabisilerisimasutullu ukiuni arfinilinni pineqaatissinneqarnissaa soorunami sakkortuvoq.
Kokaini pillugu suliami annertuumi eqqartuussut saqqummiunneqareersorlu unnerluussisup pineqaatissinneqartullu tamarmik ulluni 14-ini eqqarsarnissamut piffissaminnik atuiniarlutik aalajangernerat paasinarsinnaavoq. Illuatungeriit eqqartuussut arlalitsigut iluarisimaarsinnaavaat, tamakkiisumiinngitsorli. Eqqarsaatigisariaqarpoq.
Toqutsisimasoqarsimatillugu pineqaatissiisarnerup ukiuni arfineq-marluusarnera sanillersuutissagaanni S-ip kokainilerisimasutut cannabisilerisimasutullu ukiuni arfinilinni pineqaatissinneqarnissaa soorunami sakkortuvoq.
Unnerluutigineqartut tamarmik kokainimik 112 grammimik peqarsimasutut, naak ilisimannittunik uppernarsaasussanik soqanngikkaluartoq, pisuutinneqarnerat unnerluussisup Brian Viholtip ilaatigut naammagisimaarsinnaavaa. Inuup timaanik nassaartoqanngikkaluartoq toqutsisimasutut pineqaatissiisoqarneranut sanillersuunneqarsinnaavoq. Suliami uppernarsarnissaa unammillernarsinnaasoq, unnerluussisullu suliami matumani iluatsitaa.
Tarnikkut naalliutitsisimaneq pillugu suliaq paasiuminaatsoq
Kokainimik 112 grammimik peqarneq eqqartuussiviit ikiaroornartunut sakkortuut pillugit nalinginnaasumik sukannersumik aalajangiisarnerinut naleqqiullugu annikinnerusumik pineqaatissinneqarnertik eqqartuunneqartut - ingammik N-ip - aamma nuannaarutigisinnaavaat. Tamanna eqqartuussisuuneqarfimmut suliareqqitassanngortitsinnginnissamik kinguneqarsinnaavoq sakkortunerusumimmi pineqaatissiinermik kinguneqarsinnaammat. Unnerluussisup angorusutaatut.
N tarnikkut naalliutitsisimasutut pisuunngitsutut nalilerneqarpoq. Suliap ingerlanerani taanna qanoq paasiuminaatsigisoq, qanorlu uppernarsarneqartariaqarnersoq takuarput.
Inatsit nutaaq tarnikkut naalliutsitsinermut tunngasoq nunatsinni eqqartuussivimmi piffissami sivikitsup ingerlaneranerani aappassaanik suliaavoq. Sulorarnermi sungiusaasoq politiiusimasorlu isumapiloqarluni tatiginnilersitsiniaasimasutut Nunatta Eqqartuussisuuneqarfiani juulip 22-ani aamma pinngitsuutinneqarpoq.
Imaanngilarli pinerlunnerit taamaattut pillugit inatsisit nutaat pingaaruteqarpallaanngitsut, siunissamili pinerlunnerit ikittuinnaat uppernarsaatissaqarluartullu pineqaatissiissutaasarsinnaanerannik pisut takutitsipput.
Suli ukkatarineqartut
Eqqartuussineq maanna naammissineqarsimalersoq pissutigalugu kokainimik Danmarkimit Kalaallit Nunaannut eqqussuisoqartarnera pillugu inuppassuit ilimagisaannut uppernarsaataavoq. Inunnik sukkasuumik aningaasarsiorusuttunik ikiaroornartunik anngiortumik eqqussuisut, Nuummi Ilulissanilu mittarfissuaqalernerisigut, amerlisinnaanerannik ilimaginnittunut. Soorlu angut matumani pineqartoq nammineerluni timmisartumik angalanissaminut akissaqarani ikiaroornartumik millionip affaanik nalilimmik timiminiisitsisoq assersuutissaqqippoq.
Ikiaroornartulerisut tigusarineqartut kisiisa paasisaqarfigisarnerat aamma eqqaamasassaavoq. Pinerluuteqartartut qajannaannerusumik inissisimasut tigusariniarnerat ajornakusoornerusarpoq.
Illuatungeriit suliareqqitassanngortitsissanersut Sermitsiamit paasisaqarfiginngilarput. Tamannali ilimanarsinnaavoq. Pisut malinnaaffigiumaarpavut.
