Eqqartuussisoqarfik Sermersuumi pingasunngornermi maajip 7-ani immikkut ittumik pisoqarnissaa pilersaarutaavoq. Eqqartuussisoq Johanne Banke Thorup aalakoorluni biilersimasutut allatigullu aqqusinermi angallannermik inatsimmik unioqqutitsisimasutut unnerluutigineqarpoq.
Eqqartuussinissaq taamaatikkallarneqarallarpoq. Unnerluutigineqartup pisuunini nassuerutigisimagaa unnerluussisussaatitaasup Sermitsiamut ilisimatitsissutigaa. Naluarput qanga tamanna pinersoq, eqqartuussivimmili suliarineqartussaq naammassineqarpoq.
Eqqartuussisoqarfik Sermersuumi pingasunngornermi maajip 7-ani immikkut ittumik pisoqarnissaa pilersaarutaavoq. Eqqartuussisoq Johanne Banke Thorup aalakoorluni biilersimasutut allatigullu aqqusinermi angallannermik inatsimmik unioqqutitsisimasutut unnerluutigineqarpoq.
Eqqartuussinissaq taamaatikkallarneqarallarpoq. Unnerluutigineqartup pisuunini nassuerutigisimagaa unnerluussisussaatitaasup Sermitsiamut ilisimatitsissutigaa. Naluarput qanga tamanna pinersoq, eqqartuussivimmili suliarineqartussaq naammassineqarpoq.
Unnerluussissutigineqartoq naapertorlugu eqqartuussisoq Nuummi aqquserngit ilaanni talerpimmut sangoriami biilimut allamut aporsimavoq. Tamanna decembarip arfernani 2024-mi unnukkut pivoq.
Unnuk taanna aavani aalakoornartoq 1,22 promilleusoq uuttortarneqarpoq, tassa biilerluni imigassartorsinnaanermut killigitap marloriaataa sinnerlugu.
Johanne Banke Thorup Eqqartuussisoqarfik Sermersuuumi taamani eqqartuussisuuneruvoq.
Unnerluutigineqartoq Danmarkimit tikisitamit eqqartuussisoqarluni maajip arfineq-aappaanni eqqartuunneqarnissaa pilersaarutaagaluarpoq, taamaalilluni Nuummi eqqartuussivimmi suleqatiminit eqqartuunneqassanngimmat. Tamannali pisariaaruppoq.
Unnerluutigineqartup pisuunini nassuerutigimmagu suliaq eqqartuussivimmi suliarineqassanngilaq. Unnerluussut naapertorlugu unnerluutigineqartoq 42.500 koruuninik akiligassinneqarluni ukioq ataaseq biilersinnaanermut allagartaminik arsaarneqassaaq.
Sermitsiap Johanne Banke Thorup illersuisua Finn Meinel aqqutigalugu oqaaseqartinniaraluarpaa, iluatsinngilarli.
Eqqartuussisut inuiaqatigiinni tatigineqartumik inissisimammata inatsisinillu malinninnissaat naatsorsuutaammat pisoq aallaaseralugulu pineqartup aqqa saqqummiupparput.
