Fonden for Entreprenørskab – Kalaallit Nunaata ineriartortitsinissamut USA-mit aningaasaliissutit annaagai
Fonden for Entreprenørskab Kalaallit Nunaata siulittaasuata Jacob Nitter Sørensenip USAID-ip ingerlaannaq atuutilersumik aningaasaateqarfik suleqatigiunnaaraa tallimanngornermi ualikkut ilisimatitsissutigaa.
USAID unitsiinnarpaa suleqatigiinneq Fonden for Entreprenørskab - Kalaallit Nunaat piaarnerpaamik atuutilersumik. Taamaalilluni fondi annaassavaa 700.000 koruunit sinnerlugit, taakkulu inuusuttunut ilinniarfiit atuarfiillu ineriartortinneqarnerannut ilinniartitaanerannullu atorneqartussaagaluarput.
Assiliisoq: Kaj Joensen/Det Færøske Nyhedsbureau
- USAID-ip suleqatigiunnaarniarluta aalajangersimaneranik ajuusaarnartumik ullumi paasitinneqarpugut, tamannalu pivoq USA-p præsidentiata Donald Trumpip peqqussutinik atsiorsimasai tunngavigalugit.
Fonden for Entreprenørskab Kalaallit Nunaata siulittaasua Jacob Nitter Sørensen USAID-imik suleqateqarunnaarneq pillugu nalunaarunni taama aallartippaa.
USAID USA-mi ineriartortitsinermik suliaqarfiuvoq, nunanut allanut Amerikamiut ikiuinerannik suliaqartartoq. Fonden for Entreprenørskab, inuussutissarsiornermik piujuartitsisumik pilersitsinissamut inuiaqatigiinnilu inuusuttunik ilinniartitsinissamut aalajangiisuusumik inissisimaffeqartoq, 2020-mili suleqatigaa.
- Aalajangiinerup tamatuma kingunerisaanik USAID-imit erngertumik ikiorneqarunnaarpugut, taamaattumillu nuna tamakkerlugu suliniutivut ikilisariaqarpavut.
- Inuiaqatigiinni namminersortut siuarsarniarlugit sulinititsinnut annaasaqaataavoq annertooq, Jacob Nitter Sørensen oqarpoq.
Millionit koruunit sinnerlugit annaaneqartut
Aningaasat 100.000 dollarit pineqarput - 717.000 koruunit - taakku meeqqat atuarfiini inuusuttullu ilinniagaqarneranni ilinniartitsinermut sammisaqartitsinermullu atorneqartussaagaluarpoq, Fonden for Entreprenørskab – Kalaallit Nunaat tusagassiuutinut nalunaarummi ilisimatitsivoq.
- Fonden for Entreprenørskabip siulersuisui sinnerlugit USAID-imut piffissap ingerlanerani oqaluttuarisaanermut ilannguttussamut inerititaqarluartumillu suleqatigiissimanitsinnut qamannga pisumik qujarusuppunga. Neriuppugut siunissami suleqatigiinneq ingerlateqqissinnaassagipput, Jacob Nitter Sørensen oqarpoq.
Fonden for Entreprenørskab Kalaallit Nunaat Naalakkersuisunit, atuarfinnit, ilinniarfinnit inuussutissarsiortunillu suli tapersersorneqarpoq, suliniutillu nunatsinni tamarmi aallarnisaanermik nutaaliornermillu siuarsaanerit ingerlatiinnassallugit.
