Frankrigimi Israelip aallartitaa oqaloqatiginninnissamut aggersagaavoq FN-ip sakkutooqarfianik Israelip saassussinerata kingorna

Frankrigimi oqartussaasut Israelip aallartitaa ataatsimeeqatiginiarpaa Unifilimi (United Nations Interim Force In Lebanon, aaqq.). Libanonimi FN-ip suliniutaani eqqaassinermut tunngatillugu.

Taamak nalunaaruteqarpoq Frankrigip nunanut allanut ministereqarfia nutaarsiassaqartitsivik Reuters naapertorlugu.

Unifilip nalunaarutaa naapertorlugu FN-ip eqqissisimatitsinissamik suliniutaata inissisimaffiini Israel ullut pingasut ingerlaneranni tallimanngornermi aamma eqqaassivoq, Israelip sakkutuuisa Hizbollahimik Libanonimi sakkulersortumut sorsunnerani eqqaassisoqartarluni.

Unifil naapertorlugu qaartartumeerinerit kingorna nakkutilliisarfimmi sakkutuut marluk aqqunartitersimasut. Aamma sisamanngornermi marluk aqqunartitersimapput.

Naalagaaffiit arlallit aamma EU pisumut isornartorsiuisimapput, Frankrigillu isornartorsiuinini tallimanngornermi nangeqqippaa.

Frankrigip assuaraa Unifilip suliniutaani eqqaassinerit suli ingerlanneqarmata.

- Taakku saassussinerit nunarsuarmi inatsisinik unioqqutitsinerupput ilungersunartut unitsinneqartariaqarlutillu, ministeriaqarfik oqarpoq Israelimiillu nassuiaateqarnissamik piumasaqarluni.

Unifil ukiuni qulikkaani arlalinni Israelip aamma Libanonip akornanni nakkutilliivoq eqqissisimatitsiniartuullunilu. Frankrigip sakkutuui 700-t missaanniittut tassaniipput. Nunap taassuma sakkutuui eqqaassisoqartarnerani ajoqusersimanngillat.

Naqourami qullersaqarfimmi Libanonip kujataani tallimanngornermi Unifil naapertorlugu 48 tiimit ingerlaneranni aappassaa qaartartunik eqqaassisoqarpoq.

Naalagaaffiit Peqatigiit suliassaqartitai naapertorlugit betonimik qarmarsuit arlallit nakkaasimapput, Israelip sakkutuuisa bulldozeri sakkutuullu qamussui arlallit sakkutooqarfik saneqqummassuk. Aamma sakkutuut Israelimeersut qamussui arlallit qanillattorsimapput.

Naalagaaffiit Peqatigiit pisup kingorna sakkutuut qisuariartussat pisoqarfimmut nassiuppaat.

- Pisut taakku Naalagaaffiit Peqatigiit sakkutuuinik navianartorsiortitsipput, Naalagaaffiit Peqatigiiffiata sillimaniarnermut siunnersuisooqatigiiffiata kaammattuutaat malillugu tassani sulillutik, taakkulu imaannaanngitsumik ulorianartorsiortinneqarput, Unifilimit oqaatigineqarpoq.

Reuters naapertorlugu Israelip sakkutuuisa oqaatigaat, pisut ernumassutigigitik. Maannalu pisut taakku misissorneqartut.

Sisamanngornermi Israelip sakkutuui nassuiaapput, sakkutuut nakkutilliisut ilitsersorneqarsimasut sumiiffinni aalajangersimasuniiginnassasut, Israelip  sakkutuuisa eqqaassilernissaat aallartitsinnagu.

FN-ip qullersaqarfiani New Yorkimi sisamanngornermi ataatsimiinnermi, Israelip FN-ip sinniisoqarfiani aallartitaata, Danny Danonip, Unifilip sakkutuui Naquoramiittut kilometerinik qulinik avannamut nuunneqarnissaat kaammattuutigaa. Taamaalillutik "aqqunartiternerit pinngitsoortinniarlugit sorsunnerup sakkortusiartornerani".

FN-ip Libanonimi eqqissisaanermik sulissutiginninnera 1978-imi aallartinneqarpoq, Israel Libanonimut isernikuummat palæstinamiut Libanonip kujasinnerusortaani akerliussutsimik takutitsineranni, nunalu Libanon taamani tamakkerlugu sorsuffigineqalermat. Israelip nunamik tiguakkaminik utertitsineranik Unifil nakkutilliivoq.

Hamasip sakkulersorluni siorna 7. oktoberimi Israelimut saassussinerata kingorna, Hizbollah-p Israel avannaaniit Libanonimit qaartartumeerisarluni saassutilernikuuaa, Israelilu aamma sakkortuumik akissuteqartarluni.

Hizbollah-p ilaasortaasa 100-likkaat Septembarimi personsøgerii walkie-talkiellu qaartoornerisa kingorna ajoquserneqarput, tamatumalu malitsigisaanik Israelip Hizbollah-llu akornanni sorsunnerat sakkortusiartuinnarluni.