Futsal: Iligiit qulit kuultinnanniupput

Angutit futsalimi pissartanngorniutivinnissamut anngunniunneranni isiginnaariat nuannaartut Inussivik ulikkaavillugu unamminernik malinnaapput. Sapaatiuppat pissartanngorniutivittoqassaaq.

Angutit futsalimi pissartanngorniunnerat Inussivimmi ingerlanneqarpoq. Assi pissartanngorniunnerit siuliini assilisaavoq.

Assi toqqorsivimmit: Leiff Josefsen

KASSAALUK KRISTENSEN KASSAALUK KRISTENSEN KASSAALUK KRISTENSEN Digitalimik aaqqissuisuuneq

Saqqummersinneqarpoq 1. Maaji 2025 - 12:21

Annonse

Angutit Nunatsinni futsalimik pissartanngorniutileruttorput.

Ulluni makkunani holdit qulit puljenut marlunnut avinneqartut sapaatiuppat pissartanngorniutivinnissamut anngunniupput.

Inussivik isiginnaarianik ualikkut ulikkaarluinnartarpoq, unamminernilu illersuisut nipikisaarneq ajorlutik. Angutit sapaatiuppat unammiuaarnerat pissanganarluinnassaaq, ukioq mannami pissartanngortussat tassani unammissapput.

Futsalimi angutit Ukioq manna NP-imut peqataasut:

Nagtoralik
YGF
B-67
SAK
N-48
IT-79
I-69
N-85
UB-83
T-41

Unammiuaarnerit marlunngornermi inernerit takutippaat N-85 isertitsilluarnerpaasoq, B-67-i tulliulluni. Unammisartut arlaannaalluunniit aappalaartumik tunineqanngilaq, unammisartunulli arfineq-marlunnut mianersoqqussutinik sungaartunik katillugit arfineq-pingasunik nittarsaassisoqarpoq.

Sisamanngornermi unamminerit sisamat pissapput, unamminerlu siulleq nal. 14:00 aallartissaaq.