Timmisartumik angalasussanut nakkutilliineq Nuup mittarfiani suli ajornartorsiutaangaatsiartoq pingasunngornermi augustip 13-iani nalaanneqaqqippoq. Ullormi tassani Greenland Airportsimi ingerlatsinermut pisortap Henrik Estrupip soraarnera aamma nalunaarutigineqarpoq. Taakku pisut sioqqullugit Sermitsiamit apersuisoqarnikuunera taamaammat eqqumaffigeqquarput.
Greenland Airportsimi pisortaaneq Jens R. Lauridsen siusinnerusukkut saaffiginikuuarput. Angalasussanut nakkutilliineq sapaammi aggustip pingajuani ajornartorsiutaaneranut aamma Angallannermut Aqutsisoqarfimmit paasissutissat nutaat allaaserisami allami sammineqartut tunngavigalugit saaffiginninnikuulluta.
Timmisartumik angalasussanut nakkutilliineq Nuup mittarfiani suli ajornartorsiutaangaatsiartoq pingasunngornermi augustip 13-iani nalaanneqaqqippoq. Ullormi tassani Greenland Airportsimi ingerlatsinermut pisortap Henrik Estrupip soraarnera aamma nalunaarutigineqarpoq. Taakku pisut sioqqullugit Sermitsiamit apersuisoqarnikuunera taamaammat eqqumaffigeqquarput.
Greenland Airportsimi pisortaaneq Jens R. Lauridsen siusinnerusukkut saaffiginikuuarput. Angalasussanut nakkutilliineq sapaammi aggustip pingajuani ajornartorsiutaaneranut aamma Angallannermut Aqutsisoqarfimmit paasissutissat nutaat allaaserisami allami sammineqartut tunngavigalugit saaffiginninnikuulluta.
Jens R. Lauridsen, sapaammi aggustip pingajuanni susoqaramiuna?
- Timmisartumik angalasussanut nakkutilliisussaaleqineq pivoq. Sulisut ulloq taanna napparsimallutik nalunaarput. Tamatuma kingunerisaanik sulisut ikippallaalerlutik. Angalasunik nakkutilliivik ammassappat sulisut amerlassusaat aalajangersimasut asiigiinngitsuni nakkutilliisussaapput.
- Sulisinnaasut amerlavallaarunnaartut paasileraangatsigu soorunami allanik suliartortussanik ujarlertarpugut, kisianni taakku suliffimmut apuunnissaannut piffissaq aamma atorneqartarpoq, Jens R. Lauridsen oqarpoq.
Suliaq sivisusartoq
Sooruna taama pisoqarnissaa igalassimatinniarlugu sulisut amerlanerunngitsut?
– Ajornartorsiummut pissutaanerpaaq tassaavoq oqartussat suliaqarnerat sivisusinnaasarmat. Angalasunik nakkutilliisunngussaguit isumannaallisaasunit akuerineqaqqaartussaavutit. Suliaq sivisusinnaasarpoq. Siornatigut sapaatip-akunneri marlussuit missaanniisaraluarpoq, maannali qaammatit pingasut tungaannut utaqqisarpugut, Jens R. Lauridsen oqarpoq.
Tamanna PET-imut, Politiit Isumannaallisaanermut Sullissiviannut, nakkutilliisunngorumasunut akuersissuteqartartunut isornartorsiuinertut paasineqassanngitsoq pisortaaanerup erseqqissarpaa. Pisut qanoq ingerlanneqartarnerinut tunngavoq, Greenland Airportsilu siunissami tamanna eqqumaffigisussaallugu, erseqqissaavoq.
Kingullermik angalasunik nakkutilliisut pillugit oqaloqatigigatsigit sulisussanik aqqanilinnik atorfinitsitsisoqarnissaa eqqaavat - tamanna maanna malugineqarsinnaava?
- Ilaat sulilerput, tamannalu soorunami iluaqutaavoq, allalli suli inaarutaasumik akuerineqanngillat. Sukkanerusumik akineqartalerpasippugut. Mianersortunnguamik isumalluarnerput oqaatigisinnaavara.
Jens R. Lauridsenip Sermitsiap podcastiani juulimi peqataanermini sulisut nutaat aqqanillit eqqaavai.
Angalasut nakkutilliisunit sooq misissorneqartarnerat
Mittarfimmi angalasunik nakkutilliisut qanoq amerlatiginerat pisortaanerup tamanut saqqummiuteqqusaanngilaa, oqarpoq.
Kangerlussuarmisut Nuummi mittarfimmi iliortoqannginnera atuartartut ilaasa tupigusuutigaat. Kangerlussuakkoorlutimmi Københavnimut angalasut nakkutilliisunit misissorneqartarput, Kalaallilli Nunaata sinneranut angalasut misissorneqarneq ajorlutik. Taamalu periuseqarneq nakkutilliisunut tatisinnginnerulluni.
Nuummiilliuna timmisartumik angalasussat tamarmik sooq nakkutilliisunit misissorneqaqqaartariaqartut?
– Marlunnik pissuteqarluni ukiorpassuit matuma siornatigut aalajangerneqarpoq. Siullertut, Kangerlussuup mittarfiata ineriartortinneqarnerata nalaani oqartussanit maleruaqqusat naatsorsuutigineqartullu allaanerupput, Jens R. Lauridsen oqarpoq.
Angalasulli tamarmik misissorneqassasut inatsisitigut piumasaqaataanngikkaluarpoq?
– Ilumoorpoq nunap iluani angalasunut nakkutilliinissaq maleruagassani piumasaqaataanngilaq, taamaattoqarsinnaasorli oqallisigineqarnikuulluni. Taamaattumik mittarfiup illutaa taamatut piumasaqartoqalissagaluarpat atorneqariaannanngorlugu sanaajuvoq.
– Aappaattut terminalit marluk sananeqarpata, sanaartornermik piumasaqaatit allaanerusut aningaasartuutillu amerlanerusut atorneqartussaapput. Aningaasaatit atorneqarsinnaasut pigisavut atorlugit pitsaanerpaamik aaqqiiniarsimavugut, Jens R. Lauridsen oqarpoq.
- Pissutsit ajuusaarnartut
Angalasunik nakkutilliisut amigarnerat pissutaalluni qasseriarluni matoqqasariaqarsimava?
- Qanoq amerlatiginerat maanna oqaatigisinnaanngilara.
Nuummili mittarfimmi unammilligassaqartoq pisortap nassuerutigaa.
– Pissutsit atukkavut ajuusaarnarput. Tamanna kissaatiginngikkaluarparput. Angalasut ajunnginnerpaamik misigisaqartinniarlugit uagut sulisugullu sapinngisavut tamaasa atorlugit sullissivigut, Jens R. Lauridsen oqarpoq.
Pisut pillugu itinerusumik paasissutissiisoqarsinnaanersoq paaserusullugu Sermitsiamit Greenland Airports pingasunngormat saaffigaarput. Maannamut suli akissutisinngilagut.
