Aalisarnermut Piniarnermullu Naalakkersuisup Kim Kielsenip, Siumut, Hans
Enoksenip paragraf 37 atorlugu apeqquteqaataanut akissuteqaataa naapertorlugu
Royal Greenlandip kilisaataani inuttat katillugit 381-it missaanniipput. Taakkunani
kalaallit aqumiut 127-upput, taakkunannga
aquttut 35-ullutik naalakkallu 14-iullutik
– taakkuli amerlanerusariaqartut, taanna
isumaqarpoq.
Kilisaatinilu kalaallit amerlanerulissappata kalaallit imarsiortut aqumiutut ilinnialernissaminnut piumassuseqarnerusariaqartut,
Qalerualinniat Aalisagarniallu Kattuffianni,
QAK-mi siulittaasoq Henrik Sandgreen
isumaqarpoq.
Aalisarnermut Piniarnermullu Naalakkersuisup Kim Kielsenip, Siumut, Hans
Enoksenip paragraf 37 atorlugu apeqquteqaataanut akissuteqaataa naapertorlugu
Royal Greenlandip kilisaataani inuttat katillugit 381-it missaanniipput. Taakkunani
kalaallit aqumiut 127-upput, taakkunannga
aquttut 35-ullutik naalakkallu 14-iullutik
– taakkuli amerlanerusariaqartut, taanna
isumaqarpoq.
Kilisaatinilu kalaallit amerlanerulissappata kalaallit imarsiortut aqumiutut ilinnialernissaminnut piumassuseqarnerusariaqartut,
Qalerualinniat Aalisagarniallu Kattuffianni,
QAK-mi siulittaasoq Henrik Sandgreen
isumaqarpoq.
Kalaallit aalisariutaanni inuttalersuisarneq pillugu Namminersorlutik Oqartussat
nalunaarutaat naapertorlugu, nalinginnaasumik inuttat tamarmik ukiut kingulliit
marluk Kalaallit Nunaanni najugaqarsimassallutillu akileraartussaatitaassapput, tamatumalu saniatigut aqumiut 60 procentii
ukiut kingulliit marluk Kalaallit Nunaanni
najugaqarsimassapput akileraartussaatitaasimassallutillu.
llinniarneq pissutigalugu ukiut kingulliit
marluk iluanni Kalaallit Nunaata avataani
najugaqarsimagaanni immikkut akuersissummik tunniussisoqarsinnaasoq ilanngullugu paasissutissiissutigineqarpoq.
Royal Greenlandip kilisaatit tallimat tamakkiisumik pigisarai, taassumalu saniatigut suliffeqarfissuaq kilisaatinut sisamanut
piginneqataaffigisaminnut aqutsisuuvoq.
Malersoqqinneqassasoq
Royal Greenlandip aamma Aalisarnermut
Piniarnermullu Naalakkersuisup pineqartoq
pillugu akissutaat naammaginngikkini Hans
Enoksenip erseqqissaatigaa.
– Aningaasanut inatsisissaq kingullermik isumaqatigiissutigineqarmat 2025-mi
januarip aallaqqaataniit aqumiut inuttallu
tamarmik kalaalinngortinneqassasut isumaqatigiissutaavoq, taannalu saneqqunneqarsinnaanngilaq.
Royal Greenlandip kilisaataataani sulisut nunani allani najugaqartut amerlassusaat:
- 2019: 124
- 2020: 116
- 2021: 128
- 2022: 141
Aalisariarluni angalanerit tamaasa angalla-
tini inuttat allattorsimaffiat ajunnginnersoq
KANUAANA-p misissortarpaa.
Najoqqutaq: Naalakkersuisut.
– Tamanna Naalakkersuisooqatigiit piviusunngortissinnaanngippassuk ilungersunartorujussuarmik inissittoqassaaq, tamannalu
akuersaarneqarsinnaanngilaq, taanna oqarpoq.
Royal Greenlandip nunami allameersunik atuinera annertuallaartoq, kalaallinillu
aqumiunik inuttassarsiortarneq pimoorunneqarnerusariaqartoq, taamaattumillu
pineqartup oqallisigineqarnissaa siunertaralugu iliuusissat sukumiinerusut paasisaqarfiginiarlugit Naalakkersuisunut apeqquteqaqqissalluni Hans Enoksen oqarpoq.
Inuusuttut
piumassuseqarnerusariaqartut
Royal Greenlandip kilisaataataani kalaallit
aqumiut amerlanerusariaqartut, Qalerualinniat Aalisagarniallu Kattuffianni, QAK-mi
siulittaasoq, Henrik Sandgreen oqarpoq – allanilli pisuutitassarsiunnginnermi imminut qiviaqqaarnissaq pisariaqartoq, taanna
isumaqarpoq.
– Sanngiiffigisagut toqqorternagit oqaluuserisariaqalerpagut. Kalaallit inuusuttut kilisaatini inuttaasartut amerlasoorujussuupput, taakkulu aqumiutut ilinnialernissaminnut akisussaaffimmillu anginerusumik
tiguseqataanissaminnut piumassuseqarnerusariaqarput.
– Kalaallit aqumiutut ilinniarsimasut
kilisaatinilu atorfeqartut amerlasuut atugarissaartorujussuupput inuusuttunullu
maligassiusuullutik, taamaattumik inuusuttut amerlanerusut imarsiornerup iluani
qaffasinnerusumik ilinnialernissaat pingaaruteqarpoq, taanna oqarpoq.
Ingerlatseqatigiiffiit sinerissap qanittuani
raajarnianermik ingerlataqartut arlallit
2020-mi KNAPK-mut ilaasortaajunnaarlutik
Qalerualinniat Aalisagarniallu Kattuffiannut, QAK-mut ilaasortanngorput, taamaattumik QAK kilisaatinut tunngatillugu annertuumik ilisimasaqarluni suliaqarpoq.
