KL

DK

NUNANIT ALLANIT

Harrisip tullersortigisinnaasani ataatsimeeqatigivai

Tusarfiit naapertorlugit Kamala Harris aalajangernissaminut qanillivoq, præsidentitut sassaruni kina tullersortigissanerlugu aalajangernissaminut qanillivoq.

Naatsorsuutigineqarpoq Kamala Harris ataasinngorpat tullersortissani kinaassanersoq toqqareersimassagaa, marlunngorpallu siullermeerluni Philadelphiami qinersisartunut sassarngaarermini peqatigissagaa naatsorsuutigineqarpoq.
ritzau
Saqqummersinneqarpoq

USA-mi novemberip tallimaani præsidentimut qinersinissamut atatillugu, maanna præsidentimut tullersortaasoq, Kamala Harris, sapaatip-akunnerata naanerani inunnik arlalinnik ataatsimeeqateqarnissaminik pilersaaruteqarpoq, siunertaavoq præsidentitut sassarnermini tullersortissani toqqassagaa.

Nutaarsiassaqartitsivinnut Reutersimut aamma AP-mut taamak oqarput tusarfiit qinersinermut atatillugu peqatissanik toqqaasarnermi suleriaatsinik ilisimannittut.

Oqaatigineqarportaaq Harris tullersissami toqqarnissaanut qanillilluinnartoq.

Kamala Harris Demokraatinit præsidentimut qinigassanngortitassatut toqqarneqarnissaa ilimanarsigaluttuinnarpoq. Partiiami tallimanngornermi nalunaarpoq, taassuma taasisinnaasut amerlanerpaat akornanni taaguunneqarsimasoq.

Reutersip tusarfii inuit marluk naapertorlugit Harrisip tallimanngornermi ataatsimeeqatigaa angallannermut ministeri Pete Buttigieg, taanna Harrisimut tullersortissatut ilimagineqarluartut ilagaat. Ataatsimiinnerlu minutsit 90-it missaanni sivisussuseqarpoq.

Demokraatip aalajangiinissani naatsorsuutigaa ataasinngornermi, tassanngaanniillu marlunngornermi siullermeerluni ataatsimiititsinissamut peqataassalluni ikiortaasussaminik Philadelphiami.

Allat, Harrisip tullersortigisinnaasaatut qinigassanngortissinnaasutut ilimagineqartut tassaapput Philadelphiap guvernøria Josh Shapiro, senatori Mark Kelly, Tim Walz, Minnesota-mi guvernøriusoq, Andy Beshear, Kentucky-mi guvernøriusoq aamma J.B. Pritzker, Illinoisip guvernøria.

Ilimagineqartut akornanni inuit arlallit sapaatip akunnerata naanerani pilersaarutitik nalinginnaasut unitsikkallarsimagaat maluginiarneqarpoq, assersuutigalugu Shapiro New York-imi ajunngitsuliornissamik siunertaqarluni pilersaarutini taamaatippai.

Harrisip toqqagassaa pingaaruteqarluinnarpoq Harrisip qineqqusaarnerata ingerlanneqarnissaanut qineqqusaarutissaanullu aalajangiisuussagami, tassani qinersinermi sukkasoorujussuarmik ingerlatsisoqalernikuuvoq, præsidenti Joe Biden qinigassanngorteqqinniarani aalajangermat.

Biden tusagassiortunik katersortitsinermi tallimanngornermi AP naapertorlugu oqarpoq Harrisimik oqaloqateqarsimalluni toqqaanermut tunngasunik, kisianni siunnersuuteqarsimannginnerarpoq piginnaasat qanoq ittut pingaartinneqarnissaannut tunngatillugu.

- Nammineq tamanna inississavaa, taanna oqarpoq Illorsuup qaqortup silataani.

Republikanerit sinnerlugit præsidentimut qinigassanngortittoq tassaavoq  præsidentiusoq Donald Trump taassumalu tullersortissamisut toqqarnikuuaa J.D. Vance.

samfund inuiaqatigiit

ATORFIIT Se alle jobs

Powered by Labrador CMS