Hashimik eqqusseriaraluartut erngertumik pineqaatissinneqarput
Arnat marluk hashimik eqqusseriaraluartut arfininngormat tigusarineqartut pineqaatissinneqarsimasunut inissiisarfimmiittussanngortinneqarput.
Arnat taakku marluk Sermersuup Eqqartuussiviani sassartinneqarlutillu eqqartuunneqarput.
Assiliisoq: Leiff Josefsen
Arfininngormat arnat marluk Danmarkimit tikittut 4 kilot sinnerlugit hashiutillit Kangerlussuarmi ilanngaaserisunit siumorneqarput.
Politiit naapertorlugit arnat taakku imminnut attuumassuteqarfiginngillat.
Marluullutilli tigusarineqarput, ataasinngornerullu ullaavani pigaartut pisortaasa Malik Olesenip nalunaarutigaa arnat ingerlaannaq pineqaatissinneqarsimasut.
Arnat taakku marluk eqqusseriaraluarnertik pissutigalugu qaammatini arfineq-pingasuni qulinilu pineqaatissinneqarsimasunut inissiisarfimmiittussanngortinneqarput.
Marluullutik Kalaallit Nunaanni najugaqarput, pineqaatissinneqarsimasullu inissiisarfianiilernissartik tikillugu politiinit tigummigallarneqassapput.
