Ikummatissat akitsortut

KNI-p ikummatissat akii qaffappai.

Benziina 5 koruuniniit 5,85 koruunimik akeqalertoq dieseli 5,15 koruuniniit 6 koruuninngorpoq.

Petroleumip literimut akia 0,85 øremik qaffassaaq.

Benziinap akiata qaffaataa procentinngoraanni 17 procentimik akisunerulerpoq.

- KNI-mut ikummatissat akiinut sunniuteqartumik, ikummatissat qularnaarnerat akisunerummat akit allanngortinnissaat pisariaqarpoq, KNI tusagassiutinut nalunaarummi naatsumi allappoq.

Akit nutaat ataani takuneqarsinnaapput:

Ikummatissap akia kingullermi siorna apriilimi qaffanneqarpoq. Taamani literimut 1 koruunimik akisunerulerpoq.

Sinneqartoorutit ilaat akit apasinnerunissaat anguniarlugu atorneqarsimanerat pissutaasoq KNI-p taamani ilisimatitsissutigaa. Ikummatissanut akit appasinnerutinniarlugit aningaasat qanoq amerlatigisut atorneqarsimanersut KNI-p paasissutissiissutigerusunnikuunngilaa.

KNI Namminersorlutik Oqartussanit 100 procentimik pigineqarpoq.