Lars-Emil Johansenip Lars Møller-Sørensenillu suliareqqitassanngortitsinerat Nunatsinni Eqqartuussisuuneqarfimmi suliarineqarnerani ilisimannittut siulliit tusarnaarpavut.
Ilisimannittoq siulleq tassaavoq kommunimi sulisoqarnermut aningaasarsianullu pisortaasimasoq, taassumalu ilaatigut kommunimi akissarsiat qanoq suliarineqartarnerat pillugit oqaluttuuppaatigut. Sammisaq iserfigivallaassanngilarput, pisariaqalissappalli uterfigiumaarlugu.
Lars-Emil Johansenip Lars Møller-Sørensenillu suliareqqitassanngortitsinerat Nunatsinni Eqqartuussisuuneqarfimmi suliarineqarnerani ilisimannittut siulliit tusarnaarpavut.
Ilisimannittoq siulleq tassaavoq kommunimi sulisoqarnermut aningaasarsianullu pisortaasimasoq, taassumalu ilaatigut kommunimi akissarsiat qanoq suliarineqartarnerat pillugit oqaluttuuppaatigut. Sammisaq iserfigivallaassanngilarput, pisariaqalissappalli uterfigiumaarlugu.
Suliaq pillugu paasisaqarnerorusukkuit allaaserisaq una atuarsinnaavat: Peqquserlussimaneragaasut pillugit suliaq Nunatta Eqqartuussisuuneqarfiani aallartinneqartoq
Tamatuma kingorna borgmesteriusimasoq Charlotte Ludvigsen (IA) apersorneqarpoq, Lars Møller-Sørensenillu kommunimi pisortaanerata kingorna "torersaasoqarnera" pillugu oqaluttuarluni.
Paasitinneqarnikuunini eqqaamanngikkaa
Taamanikkut ineqarnermut, sanaartornermut aningaasaqarnermullu suliat saqitsaassutaapput. Pisortarlu angerlartinneqarpoq, tamannalu borgmesterimut 2022-mi tunuartumut politikkikkut nanertuutaalerluni.
Taakkuli pisimasut Nunatta Eqqartuussisuuneqarfiani sammineqanngillat. Suliamulli attuumassuteqarmata suliareqqiinermi eqqaaneqartarput.
Charlotte Ludvigsenip Lars-Emil Johansenip 2019-imi atorfinitsinneqarnera pillugu ilisimatinneqarsimanini eqqaamanagu oqarpoq. Kommunalbestyrelsimi ilaasortat partiinit assigiinngitsuneersut akornanni taamani susoqarnersoq illersuisup Julie Stagep borgmesteriusimasumut apeqqutigaa.
- Siumumi ilaasortat ataasikkaanut uannut akerliupput, partiili tamarmiunngitsoq, akivoq.
Suliassat aalajangersimasut isumaqatigiissummi allassimanngitsut
Politikerit akornanni taamani pisut pillugit Lars Møller-Sørensenip siusinnerusukkut oqaatigisai pissutaallutik taama aperaaq. Lars-Emil Johansenip Siumumik ilisimasaqarluarnera pissutsinik paasinninnissaminut iluaqutaasinnaasoq kommunimi pisortaasimasup oqaatiginikuuaa.
Gerth Jacobsen, siornatigut atortoqarnermut pisortaasimasoq, isumaqatigiissummik suliaqartuuvoq. Tasiilami Kofoeds Skolemik sanaartornissaq Lars-Emil Johansenip pingaarnertut suliassarigaa kommunimi pisortap oqarfigisimagaani eqqartuussivimmi oqaluttuarpoq.
Isumaqatigiissummili suliassat aalajangersimasut allassimanngillat. Unnerluussisullu isumaqatigiissut peqquserlunnertut isiginissaanut uppernarsaatitut pingaarnerpaat ilaattut atorpaa.
Lars-Emil Johansen aamma oqaaseqarpoq, taassumalu oqaasii kingusinnerusukkut uterfigissavagut.