Illersornissamut suliniut alla: Danmarki sakkussianik ungasissumut eqquisinnaasunik peqalerniarpoq
Mette Frederiksenip akeqqat sakkut atorlugit saassussigaluarpata Danmarkimit qaartinneqarsinnaanissaat "tunngaviusumik aalajangernertut“ taavaa.
Assi: Emil Helms/Ritzau Scanpix
Danmarki sakkussianik ungasissumut eqqoqqissaartunik atorneqarsinnaasunik, assersuutigalugu Ruslandimit siooranartumik pisoqartillugu akissutaasinnaasunik, illersorneqartariaqarpoq.
Ministeriuneq Mette Frederiksen (S) Christiansborgimi allaffimmi silataani pingasunngornermi oqarpoq.
- Danmarki sakkussianik ungasissumut eqquisinnaasunik perngaammik amerlisaalerpoq, oqarpoq.
Soorlu missilit dronillu, illersornissamut ministeri Troels Lund Poulsen (V) oqarpoq. Taanna nunanullu allanut ministeri Lars Løkke Rasmussen (M) katersortitsinermi peqataapput.
Mette Frederiksenip tamanna "tunngaviusumik aalajangiinertut“ taavaa.
Ruslandip Polenimut siorasaarinerata kinguninngua pissutaaqataavoq.
Ruslandip Ukraine ukiut pingasut affarlu matuma siorna tiguarpaa. Nunallu taakku marluk taamanili sorsuullutik aallartipput.
- Ruslandip misilittarpaatigut, ataatsimoorsinnaanerput misiliittarpaa, Mette Frederiksen oqarpoq.
- Ruslandip Danmarkimut Europamullu ukiorpassuarni tulliuttuni aarlerinartuunissaa qularnanngilaq, oqarpoq.
/ritzau/
