Illersornissaqarfiup timmisartui pingasut malersuutit Nunatsinniittut
Sakkutuut timmisartui malersuutit issittumi atugassarititaasut sapaatip-akunnerani matumani sungiusarfigaat. Sungiusarneq Kangerlussuup eqqaaniinnerussaaq.
Sakkutuut timmisartui malersuutit F-16-it pingasut franskillu timmisartuat orsiisartoq issittumi pissutsit pillugit sapaatip-akunnerani matumani sungiusarput.
Assi: Arktisk Kommando
Illersornissaqarfiup timmisartui malersuutit F-16-it pingasut Kangerlussuarmut ataasinngormat ualikkut mipput.
Sakkutuut taakku sapaatip-akunnerani matumani Kalaallit Nunaanniissapput issittumilu pissutsit sungiusassallugit, tamatumalu saniatigut qallunaat Kalaallit Nunaanni oqartussaanerat nakkutigineqarnera ersersinniarneqarliuni. Issittumi Sakkutooqarfik Facebookimi quppernermini allappoq.
F-16-it tikeraarneranni sungiusagassat pingaarnerit pingasuupput:- Issiittumi massumalu atugassarititaasut ataanni suliaqarnermik sungiusarneq.
- Issittumi Sakkutooqarfiup suliaqarfiata ataani tapertatut suliaqarneq.
- Kunngeqarfimmi Illersornissaqarfiup aamma namminersortuunerup atuutsiinnarsnissaanik takutitsineq.
- F-16 timmisartut piffinni arlaqartuni takuneqarsinnaassapput imaassinnaavorlu tusaasinnaassagisi. Kalaallit Nunaanni angalanerini takunnittut iluatsitsisut ilagisinnaassavaatsit. Kangerlussuup nalaani ataasinngornerup ualinerani annerusumik angalasoqassaaq.
Franskit sakkutuui timmisartunik ikummatissamik assartuutinik (A330 MRTT) timmisartunik F-16-inik pingasunik tapersersuipput.
