Illu inuerunnikoq ikuallaqqittoq
Nuummi KNR-ip illutigisimasaanut ikuallaleraluartumut politiit qatserisartullu tallimanngornerup unnuaani ornigupput.
Assiliisoq: Leiff Josefsen
KNR-ip illuutigisimasaa inuerunnikoq pujuliortoq Kalaallit Nunaanni Politiit tallimanngornerup unnuaani nalunaaqutaq sisamat sioqqulaarlugit nalunaarfigineqarput.
Illu Nuummi Inussiviup eqqaaniippoq, ukiullu arlallit ingerlaneranni ikuallattoqartarneranik aserorterisoqartarneranillu politiit nalunaarfigineqartarput.
Tallimanngornerullu unnuaani aamma ajortoqaqqippoq. politiinit Jaaku Andreassen Sermitsiamut paasissutissiivoq.
Qatserisartut politiillu ornigupput, illu annikitsumik ikuallaleraluarsimasoq politiillu oqarput.
- Suna pissutaalluni ikuallalersimanersoq maanna nalugallarparput, ikuallannermilli misissuisartoq aggersarparput, Jaaku Andreassen oqarpoq.
Ikuallattoqarnerani inunnik navianartorsiortoqanngilaq.