KL

DK

Imigassartorsimalluni biilertup niviarsiaraq aporpaa qimaallunilu

Sisimiuni ataasinngornerup unnuaani niviarsiaraq 17-inik ukiulik biilinik aporneqarsimavoq. Angut inuusuttoq imigassartorsimalluni biilersimasutut pasineqarluni tigusarineqarpoq.

Thomas Munk Veirum
Nutaarsiassaqartitsisoq
Saqqummersinneqarpoq

Ataasinngornerup unnuaani nal. 00.36 Sisimiuni biilinik aportittoqarsimasoq biilertorlu qimaasimasoq Kalaallit Nunaanni Politiit nalunaarfigineqarput.

Politiit pigaartuisa pisortaat Carl Sværd oqaluttuarpoq politiit ajutoorfimmut ingerlaannaq apuussimasut, takunnissimasullu biilertoq qimaasimasoq kinaanersoq paasisimavaat.

Sivikitsumik biilinik malersuereernerup kingorna biilit unissimasut, biilertorlu inissiarsuarnut qimaasimasoq, Carl Sværd oqaluttuarpoq.

Biilertoq qimaasorineqartoq politiinit tigusarineqarpoq. Angut 20-t sinnerlugit ukiulik pineqarpoq, politiillu angutip biilertuusimaneranut uppernarsaatit arlallit pissarsiaraat.

Angut tigusarineqarpoq imigassartorsimallunilu biilersimasutut ajutoornermillu qimaasimasutut unnerluutigineqarluni.

Aportittoq niviarsiaraavoq 17-inik ukiulik, aportinnerminilu niuiarsimavoq saarnga nuilluni.

samfund inuiaqatigiit

ATORFIIT Se alle jobs

Powered by Labrador CMS