Frankrigip præsidentia Emmanuel Macron arfininngormat ullaap tungaani Nuummut tikikkami pitsaasunik kamippaqarlunilu qernertumik kavaajaqarpoq, siullertullu innuttaasut takkussimasut ungalunikarluni ilassiartorpai.
Kingusinnerusukkut inuit eqqaminiittut ilassiuutigalugit Naalakkersuisut siulittaasuat Jens-Frederik Nielsen ministeriunerlu Mette Frederiksen Nuutoqqami pisuttuaqatigai.
Frankrigip præsidentia Emmanuel Macron arfininngormat ullaap tungaani Nuummut tikikkami pitsaasunik kamippaqarlunilu qernertumik kavaajaqarpoq, siullertullu innuttaasut takkussimasut ungalunikarluni ilassiartorpai.
Kingusinnerusukkut inuit eqqaminiittut ilassiuutigalugit Naalakkersuisut siulittaasuat Jens-Frederik Nielsen ministeriunerlu Mette Frederiksen Nuutoqqami pisuttuaqatigai.
Oqariartuut ersarissoq
Præsidenti innuttaasunik naliginnittoq, USA-mullu ersarissumik oqariartuuteqartoq, Jørn Boisen Københavnip Universitetiani Tuluttut, Germanskisut Romamiusullu ilisimatusarfimmi lektori ph.d.-lu naliliivoq.
Jørn Boisenip Macronip periaasia „Amerikamiut sukannersumik naalakkersuinerannik saamasumik akerleriissutaasutut“ tikeraarneq sioqqullugu taavaa. Tikeraareerneratalu kingorna præsidentip akunnerni arfinilinni Kalaallit Nunaanniinnera Amerikamiut præsidentiata periaasianut akerliusumik periusissatut pilersaarutigineqartoq immikkut ilisimasallip qularutiginngilaa.
– Macronip Kalaallit Nunaanni nunap immikkoortuisa ataqatigiinnerannik Danmarkillu kisimi oqartussaaneranik tapersersuinini nalunaarutigissagaa ilimagineqareersimavoq, ingammik Trumpip Kalaallit Nunaata tiguarnissaanik oqaaserisai sakkortuut qisuariarfigereerailu.
- Taamaammat Jens-Frederik Nielsenip Mette Frederiksenillu “qaaqqusinerisigut” tikeraarnera naalagaaffiit nunanut allanut attaveqartarneranni iliuuserineqartartunut naapertuulluinnarpoq, suleqatigiinnermik Atlantikullu avannaani attaveqarnernik ataqqinninnermik ersarissumik takutitsisoq – J. D. Vancellu tikeraarneranit allaanerulluinnarpoq, Jørn Boisen oqarpoq, taassumalu Macronip EU-mut sinniisuugami Kalaallit Nunaata aamma EU-p soqutigisaanut ilaanera eqqaasitsissutigalugu erfalasoq takutikkusussagaa naatsorsuutigisimagaluarpaa.
– Nunap immikkoortuisa ataqatigiinnerannik, killeqarfissinnik tapersersuinermik oqariartuut. Naatsumik oqaatigalugu, Kalaallit Nunaat tuniniarneqanngitsoq, tiguarneqarsinnaanngitsoq Frankrigimi EU-milu kikkut tamarmik isumaqarput, Frankrigip præsidentia Emmanuel Macron arfininngormat Nuummi tusagassiortunik katersortitsinermi ilaatigut oqarpoq.
Assi: Oscar Scott Carl
Tupaallannartumik ersarissumik oqaluttoq
Jørn Boisen naapertorlugu Nunatarsuup naqqani Qamanaarsuup Sermiani takuniaaneq aamma silap pissusia, nukissiorneq aatsitassallu pillugit eqqartuineq mingutsitsinnginnerunissamik ersersitsiniaanermut EU-mut Kalaallit Nunaannullu pingaaruteqartunut tunngapput.
- Tikeraarneq Trumpip pissusilersorneranut akerliusumik periusissiaavoq: Trump siulittorneqarsinnaanngitsoq, akisussaassuseqanngitsoq annertusaaniarsarisorlu Macron EU-lu silatusaartutut, akisussaassuseqartutut aalajaatsutullu saqqummerput.
Tikeraarneq aamma Jørn Boisen naapertorlugu Macronip Trumpimut ikinngutaalluarsimanerata allanngorluinnarneranut ersiutaavoq.
– Macronip Nuummut tikinniariarluni Trump toqqaannartumik illuatungilerpaa. Trumpip Kalaallit Nunaata tiguarnissaanik sioorasaarinera “iliusunit pissuserineqanngitsoq”, tikeraarneralu Frankrigip EU-llu “Kalaallit Nunaata kisimi oqartussaaneranut nunallu ataqatigiinneranut” pimoorussinerannut assersuutaasoq Mittarfimmi apersorneqarnermini oqareersimavoq.
Frankrigimiut sakkutuui Kalaallit Nunaanniittut
Danmarkip Kalaallit Nunaatallu kissaatigippassuk sakkutuunik Kalaallit Nunaannut aallartitserusullutik Frankrigip nunanut allanut ministeria Jean-Noel Barrot ataatsimiinneq sioqqullugu oqarpoq.
– Frankrigip nunanut allanut ministeriata EU-p sakkutuuinik Danmarkimut tapersersuiartortunik aallartitsisoqarsinnaaneranik oqaaseqarnera aamma Europami naalagaaffiit nunanut allanut atassuteqartarneranni pissanganartumik qaqutigoorluinnartumillu pisoqarpoq. USA-mut akerliunnerup ingasatsikkiartulernissaanut piareersimanermik ersersitsivoq, Jørn Boisen oqarpoq, taassuma Trumpimut oqariartuutinik allannguineq tupaallannartumik ersarissutut oqaatigaa.
– Trumpip præsidentitut atuuffiani siullermiilli Macron Trumpilu attaveqatigiilluartut oqaatigineqarpoq. Trump minnerpaamik sapaatip akunneranut ataasiarluni sianerfigisarlugu Macronip nammineq oqaatigaa, maannamullu Trump toqqaannartumik isornartorsiorsimanngisaannarpaa. Taamaattoqarunnaarunarpoq. Macronip Kalaallit Nunaannut tikeraarnermini oqaaserisaasa Trump toqqaannarnerusumik oqaloqatigiumagaa takutippaat.
Piffissaq nalaatsornerinnaanngitsoq
Frankrigip præsidentiata G7-ip Canadami ataatsimeersuarnissaanut aqqutimini Kalaallit Nunaannut tikeraarnera aamma nalaatsornerinnaanngilaq, tupaallannartumilli saassussineruvoq, Jørn Boisen isumaqarpoq. – G7-ip ataatsimeersuarnissaanut aqqutaani Kalaallit Nunaannut tikeraarneq nunat marluk akornanni tikeraarnerinnaanani nunat politikkikkut attaveqatigiinnerannut ersiutaavoq.
