Ilinniartitsisut kattuffiata IMAK-ip, Danmarkimi Nunatsinnilu
atorfillit soraarnerussutisiaqarnerminni atugaannik misissuisimasup,
Peter Olsenip atorfillit soraarnerussutisiaqartut pillugit
nassuiaammik saqqummiussinissamik siunnersuutaa tapersersorpaa.
– Nunatsinni
Danmarkimilu atorfillit soraarnerussutisiaasa
naligiissinneqalernissaat, IMAK-ip tungaanit
kissaatigilluinnarparput, tamatumalu aaqqiivigineqarnissaa
Naalakkersuisut Inatsisartullu soqutigisariaqarpaat, IMAK-imi
siulittaasoq Elna Heilmann oqarpoq.
Ilinniartitsisut kattuffiata IMAK-ip, Danmarkimi Nunatsinnilu
atorfillit soraarnerussutisiaqarnerminni atugaannik misissuisimasup,
Peter Olsenip atorfillit soraarnerussutisiaqartut pillugit
nassuiaammik saqqummiussinissamik siunnersuutaa tapersersorpaa.
– Nunatsinni
Danmarkimilu atorfillit soraarnerussutisiaasa
naligiissinneqalernissaat, IMAK-ip tungaanit
kissaatigilluinnarparput, tamatumalu aaqqiivigineqarnissaa
Naalakkersuisut Inatsisartullu soqutigisariaqarpaat, IMAK-imi
siulittaasoq Elna Heilmann oqarpoq.
Nunatsinni Danmarkimilu atorfillit soraarnerussutisiaasa assigiinngissutaasa naligiissinneqalernissaat, IMAK-imit kissaatigilluinnarparput, siulittaasoq Elna Heilmann oqarpoq.
Assi: Leiff Josefsen
Peter Olsen (IA)
atorfillit isumaqatigiissutaat naapertorlugu ilinniartitsisuuvoq,
aamma IMAK-ip ilinniartitsisullu Nunatsinni atorfillit
soraarnerussutisiaqartut atugaannik isornartorsiuinerannut
isumaqataavoq, IMAK-immi misissuinerata takutimmagu, 67-it ataallugit
ukiullit soraarnerussutisiaat, qaammammut 10.285 koruuninik
nikingassuseqartut.
–
Assigiinngisinneqarpugut, Danmarkimut nuukkutta imaluunniit Nunatsinniiginnarniarluta aalajangerutta atorfilittut
soraarnerussutisiatta assigiinngissutaat takusinnaavavut,
takusinnaalereerparpullu atukkavut pitsaanngitsuusut, tamatumalu
aaqqinneqarnissaanut piffissanngorpoq, Peter Olsen oqarpoq,
assigiinngisitsinerlu tamanna nunasiaanerup nalaanut G-60-illu
politikiannut assersuuppaa, tamatumani sumi inunngorsimaneq
tunngavigalugu akissarsiaqartitsineq atuummat.
Nunarput aamma
akisussaaffeqartoq
Peter Olsenip
Inatsisartuni oqallinnissaq soqutiginartippaa, atorfillit
soraarnerussutisiaat naalagaaffiup suliassarimmmagit. Taamaattumik
Nunatsinnut aningaasartuutaasussanngilaq. Peter Olsenili isumaqarpoq
Nunarput akisussaaqataasussaasoq.
- Inatsisilerituunit paasitinneqarpunga uaguttaaq akisussaaffeqartugut, 1980-ikkunnimi Nunatsinni atorfillit pillugit inatsit atuutilermat, tassani atorfillit soraarnerussutisiaqarnissaannik katersisussaanermillu isumaqatigiissuteqartoqarmat. Aamma Nunatsinni akissarsiavut Danmarkimi akissarsianut sanilliullugit appasinnerummata soraarnerussutisiaqarniarluta katersukkavut aamma appasinnerusarput. Allalli tamanna isumaqatiginngilaat, isumaqaramik tamanna naalagaaffiup suliassarigaa.
Aningaasaqarnermut
naalakkersuisup Erik Jensenip (S) akissummini assigiinngisitsineq
nassuerutigaa, kisiannili aamma oqaatigalugu Nunarput naalagaaffiup
atorfilittaasa soraarnerussutisiaannut aningaasartuutinik
akiliisussaanngitsoq.
- Naalakkersuisut aamma
erseqqissartariaqarpaat isumaqatiginnginnamikku naalagaaffiup
atorfilittaasa soraarnerussutisiaannut tapiissutit Nunatta
akilertariaqarai. Taamaattumillu Naalakkersuisut
eqqaasitsissutigisariaqarpaat atorfillit soraarnerussutisiaat
naalagaaffiup kisimi akisussaaffigimmagit, Erik Jensen akissummini
allappoq.
