Inatsisartut inissitsitertut – Naalakkersuisut akuerineqarput
Inatsisartut inissitsiserlutik apriilip arfineq-aappaanni ataatsimiinneranni Naalakkersuisuit qulit nutaat akuersissutigineqarput.
Inatsisartut nutaat qinersisoqareernerata kingorna siullermeerlutik ataatsimiinneranni Jens-Frederik Nielsen Inatsisartunilu sivisunerpaamik ilaasortaq Hans Enoksen Annaassisitta Oqaluffiannukarneranni siuttuupput.
Assi: Hanna Hviid
Inatsisartuni sivisunerpaamik ilaasortaasimasoq Hans Enoksen (N) killitsissimasoq Inatsisartut ataatsimiinnerat ammarpaa, tassanilu Inatsisartunut ilaasortanngortut ingerlaaqatigiinneranni tapersersuisoqarluarnera qujassutigaa.
- Taakkuuvusi Inatsisartuni sulinissamik nukissanik tunisisartut. Inatsisartuni ilaasortat nutaat ilaasortaasareersullu, qanorluunniit isumaqatigiitsiginngikkaluarutta isumaqatigiikkaluaruttaluunniit, taakkua sullisissavagut, Hans Enoksen ammaanersiorluni oqalugiarnermini oqarpoq.
Inatsisartut ataatsimiittarfiata matua nalunaaqutaq ulloqeqqanut matuneqarpoq. Inatsisartut matoqqasumik Qinigaanerup Misilinneqarnissaanut Ataatsimiititaliaagallartoq pilersinneqarluni ilaasortat ataasiakkaat qinigaasinnaanerat nalilersorneqassalluni.
Naalakkersuisunut Inatsisartunullu ilaasortat nutaat sinniisullu ullumikkut akuersissutigineqassapput.
Kielsen siulittaasunngorpoq
Inatsisartut ataatsimiinnerat nalunaaqutaq 13.30 qaangilaaraa ammaqqinneqarpoq, tassanilu Kim Kielsen (S) Inatsisartut siulittaasuattut innersuunneqarluni. Ilaasortat 22-t innersuussineq akuersissutigaat.
Siulittaasoqarfimmi ilaasortanngortut ukkupput:
- Inatsisartut siulittaasuat: Kim Kielsen, Lars Poulsen (S) sinniisuulluni.
- Inatsisartut siulittaasuata tullia siulleq: Mimi Karlsen (IA), Pipaluk Lynge (IA) sinniisuulluni.
- Inatsisartut siulittaasuata tulliata aappaa: Mette Arqe Hammeken (N), Qupanuk Olsen (N) sinniisuulluni.
- Per Berthelsen (D) Simigaq Heilmann (D) sinniisuulluni.
- Aqqalu C. Jeremiassen (A) Knud Kleemann (D) sinniisuulluni.
Jens-Frederik Nielsen (D) Anna Wangenheimip naalakkersuisooqatigiit sinnerlugit innersuussinerata kingorna nalunaaqutaq 14.00 Naalakkersuisut siulittaasuattut ivertinneqarpoq.
- Ataatsimoornissarput aatsaat taama pingaaruteqartigaaq. Taamaattumik inuiaqatigiinnut, uagutsinnut kinguaatsinnullu toqqissisimatitsinissamik suleqataarusuttunik taama siammasitsigisunik naalakkersuisoqatigiinnik pilersitsisinnaagatta nuannaarutigaara. Meeqqatsinnit nunarput akisussaaffigineqalernissaa, nuna suli kiffaanngissuseqartoq, nammineq suli aalajangiisinnaatitaasoq sulissutigissavarput, Jens-Frederik Nielsen (D) oqarpoq.
Jens-Frederik Nielsen naatsumik oqaaseqareerluni Naalakkersuisunngortussat innersuussutigai, taakkuuppullu tallimanngornermi marsip 28-ani tamanut saqqummiunneqartut. Taakka 22-nit akuerineqalutik arfineq-pingasunillu taaseqataaffigineqaratik akuersissutigineqarput.
