KL

DK

INI A/S-ip SIK-llu attartortuunermiit piginnittuunermut aaqqissuussaq nutaaq qularaat

Naalakkersuisut inissiat pisortanit pigineqartut nammineq pigineqarsinnaalersillugit siunnersuutaat INI A/S-imiit SIK-miillu qularutigineqarpoq. Iluarsartuussinissamik kinguuaattoorneq pissutigalugu ineqarnermut taarsigassarsinissamut itigartitsisoqartarnissaa taakkua ernummatigaat.

Inissiat pisortanit pigineqartut iluarsaanneqarnissaannut kinguaattoorfiusut, piginnittup nutaap akisussaaffigilertussaasai, aningaaserivinnit ineqarnermut taarsigassarsiniarnermi ajornakusoortitsisinnaasut INI-p nalilerpaa.
Oline Inuusuttoq Olsen
Offentliggjort

Namminersorlutik Oqartussat inissiaatileqatigiiffiata INI A/S-ip aamma sulisartut kattuffiata SIK-p Ineqarnermut Attaveqaasersuutinullu Naalakkersuisup Hans Peter Poulsenip, Siumut, inissiat pisortanit pigineqartut nammineq pigineqarsinnaalernissaat pillugu siunnersuutaa ernummatigaat.Attartortut inissiamik pisinissamut aningaasartuutissaannut tunngatillugu aamma inissiat pisortanit pigineqartut iluarsaanneqarnissaannut kinguaattoorutaasut piginnittunngortup inissiamik pisinermi akisussaaffigilernissaat eqqarsaatigalugit.

SIK-p inissiat attartortittakkat pillugit Inatsisartut inatsisaata allanngortinneqarnissaanut tusarniaanermut akissummini ima allappoq:

Namminersorlutik Oqartussat inissiaatileqatigiiffiata INI A/S-ip aamma sulisartut kattuffiata SIK-p Ineqarnermut Attaveqaasersuutinullu Naalakkersuisup Hans Peter Poulsenip, Siumut, inissiat pisortanit pigineqartut nammineq pigineqarsinnaalernissaat pillugu siunnersuutaa ernummatigaat.Attartortut inissiamik pisinissamut aningaasartuutissaannut tunngatillugu aamma inissiat pisortanit pigineqartut iluarsaanneqarnissaannut kinguaattoorutaasut piginnittunngortup inissiamik pisinermi akisussaaffigilernissaat eqqarsaatigalugit.

SIK-p inissiat attartortittakkat pillugit Inatsisartut inatsisaata allanngortinneqarnissaanut tusarniaanermut akissummini ima allappoq:

“SIK-p nalunngilaa ilaqutariippassuit SIK-p isumaqatigiissutaa aallaavigalugu aningaasarsiallit, inissiamik attartorsimasaminnik piginneqataassutsimik pisinissamut suli aningaasassaqanngitsut.”

“Inissiat allanngortinnagit taama itsillugit tunineqartarnissaat allassimavoq. Inissiat tamakkiisut eqqarsaatigalugit inissialluunniit ataasiakkaat eqqarsaatigalugit iluarsaassinissaq nutarsaanissarluunnit naatsorsuutigineqanngilaq".

Iluarsartuussinissamut kinguaattoorutit pisisut akisussaaffigilissavaat

INI A/S-ip tusarniaanermut akissummini Aningaasaqarnermut Naligiissitaanermullu Naalakkersuisoqarfiup 2023-mi pilersaarusiorneq pillugu nassuiaataanni “Pisariaqartumik iluarsartuussinermut” innersuussivoq, tassanilu allassimavoq Namminersorlutik Oqartussat inissianik 5.519-inik katillugit 355.598 kvadratmeterinik angissusilimmik pigisaqartut aserfallatsaaliuinermullu milliardikkaanik aningaasaliissuteqartariaqartut.

”Namminersorlutik Oqartussat inissiaataasa attartortittakkat aserfallatsaaliornissaannut kinguaattoorutit 3,8 milliardit koruuniupput, taakkulu annertunerpaamik iliuuseqarfigineqarpata ukiut qulit ingerlaneranni aserfallatsaaliorneqarsinnaassasut. Ukiut 15-it ingerlaneranni aserfallatsaaliorneqassappata 5 milliardit koruunit missaanniittut pisariaqartinneqassapput, ukiullu 20-t ingerlaneranni aserfallatsaaliorneqassappata 6,2 milliardit koruunit - 6,3 milliarder koruunit pisariaqartinneqassapput”, nassuiaammi ”Pisariaqartumik iluarsartuussineq”-mi allassimavoq.

Aammattaaq nassuiaammi naatsorsorneqarsimavoq inissiat nutaamut piginnittunngortinneqarpata, ukiut qulit, 15-it 20-llu ingerlaneranni aserfallatsaalineqarnissaannut aningaasat pisariaqartinneqartussat naatsorsorneqarput.

"Inissiaq agguaqatigiissillugu 64,4 kvadratmeterisut angissuseqarpoq, taamaattumillu aserfallatsaaliornissamut kinguaattoornerit 688.193 koruunit 1.131.896 koruunillu akornanni akeqarsinnaapput, piffissaq aserfallatsaaliornissamut kinguaattoornerup qaangernissaanut atugassaq apeqqutaalluni,“ INI A/S allappoq.

Piginnittut nutaat aserfallatsaaliinissamut akisussaaffimmik tigumminnilissasut INI A/S-ip tikkuarpaa, inip ilua piginnittup nammineq akisussaaffigissavaa, silataalu piginneqatigiiffiup pisariaqarfiani iluarsartuussinermik isumaginnittartussap akisussaaffigissallugu. ”Inatsit malinneqassappat piginnittup nutaap ineqarnermut akiliutaa 30 procentimik qaffassaaq (20 procenti piginnittut ilanaarutissanut + 51 procenti PA-mut immikkoortitsisimannginnermut), taakkua saniatigut ineqarnermut taarsigassarsianut erniat akiliutillu aamma akilerneqartassallutik.”

Ineqarnermut taarsigassarsiat itigartinneqarsinnaasut

Piginnittunngortussat iluarsaassinermut aningaasartuutit akileruminaatsissinnaagaat SIK isumaqarpoq.

"Inuusuttut 30-t inorlugit ukiullit, ineqarunik, piffissaq ungasinnerusoq eqqarsaatigalugu inissiamik attartortittakkamik pisineq imminut akilersinnaavoq. SIK-lli nalunngilaa pisortat inissiaataat attartortittakkat iluarsaanneqarnissaannut kinguaattoorfiusorujussuusut, tamannalu piffissaq ungasinnerusoq eqqarsaatigalugu attartortunut ataasiakkaanut iluarsartuussinermut aningaasartuutit akileruminaassinnaammata,“ SIK allappoq.

Aserfallatsaaliinermut kinguaattoorfiusut pissutigalugit aningaaserivimmit taarsigassarsinissamut itigartitaasoqarsinnaasoq INI A/S-ip naatsorsuutigaa.

”Nammineerluni aningaasaliinissamik aningaasanik tamakkiisumik ilaannakuusumilluunniit aningaaserivimmit imaluunniit realkreditimit aningaasaliiniaraanni, aningaaseriviup pisussaaffigaa atuisup akiliisinnaassusianik sukumiisumik nalilersuinissaq. "

"Tamatumunnga ilaavoq pisisup aserfallatsaaliuinermi kinguaattoorutit, inissiamut aalajangersimasumut tunngatillugu tuniniaanermut nalunaarummi allassimasussap, aningaasaliiffiginissaanut akisussaanerminik naammassinnissinnaaneranik sukumiinerusumik nalilersuinissaq. "

"INI-p naliliineratigut tamanna Namminersorlutik Oqartussat attartortuisa amerlanersaannut aningaaserivimmit imaluunniit realkreditimit aningaasaliissuteqarnissamik kissaateqarnermut itigartitsinermik kinguneqassaaq, inissiami aalajangersimasumi aserfallatsaaliuinermut kinguaattoorutit annertummata”, INI tusarniaanermut akissummini allappoq, kaammattuutigalugulu Namminersorlutik Oqartussat kommunillu inissianut ataasiakkaanut tuniniaanermut nalunaarummik suliaqarneq aallartitsinnagu inissiat tunineqarsinnaanngornissaannik suliap sukkassusaa eqqarsaatigeqqissaassagaat.

 

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

samfund sik ini lejer til ejer-ordning inuiaqatigiit

ATORFIIT Se alle jobs

Powered by Labrador CMS