Inissiisarfimmiittut aputaajaallutillu issiavinnik iluarsaassisut

Pinerlunnerit pinaveersaartinniarlugit pineqaatissinneqarsimasunut inissiisarfinniittut maanna kommunimut aserfallatsaaliuiniarlutik suleqataasartussanngorput.

Tamanna illoqarfiit pingaarnersaanni Kommuneqarfik Sermersuumi pissaaq.

Assersuutigalugu kommunimi sulisussaaleqiffiusut soorlu aputaajaanerit, pisuttuartarfissanik titartaanerit, pinngortitami saligaatsuutitsinerit kiisalu illuaqqanik issiavinillu iluarsaassinissaq suliassaassapput.

Christian Høygaard, Kalaallit Nunaanni Pinerluttunik Isumaginnittoqarfimmi pisortaq, isumaqarpoq suliniut tamanna inissiisarfimmiittunut inuiaqatigiinnullu iluaqutaasoq.

Pinerluttuliorfigineqarsimasut ikilisarnissaat Pinerluttunik Isumaginnittoqarfiup suliassaasa pingaarnerit ilagigaat, taanna erseqqissaavoq.

- Ilaatigut inissiisarfimmiittut pineqaatissinneqarnerminni siunertaqarluartumik suliaqarsinnaanerat qulakkeerutsigu tamanna angusinnaavarput, taamaalilluni inuk taanna pineqaatissinneqarnermi kingorna pinerluuteqarani inuuneqalernissamut periarfissaqarnerulissammat.

- Inuiaqatigiinnut iluaqutaasumik suliaqarneq inissiisarfimmiittuniittunut isumassaqarluarpoq. Taama isumaqarluta Pinerluttunik Isumaginnittoqarfik pilersikkatsigu, inuiaqatigiinnut, pinerlunnikkut unioqqutitsiffiusimasumut, tunniussaqaqqinnissaq siunertaralugu, Høygaard Ritzauimut oqarpoq.

Misiliineq iluatsilluartoq

Pinerluuteqarsimasunut inissiisarfinni misiliinerup iluatsilluarnerata kingorna maanna suliniut annertusineqarpoq.

Suliniut Kalaallit Nunaanni Pinerluttunik Isumaginnittoqarfiup aamma Kalaallit Nunaanni kommunit annersaata suleqatigiinneratigut ingerlanneqarpoq. Tassani Kalaallit Nunaanni Pinerluttunik Isumaginnittoqarfiup inissiisarfiini marlunni, Nuummi Tasiilamilu, inissinneqarnikut suliniummut peqataatinneqarput.

Kommuneqarfik Sermersuumi borgmesterip Avaaraq Olsenip (IA) suliniut tamanna aqqutigalugu inissiisarfimmiittuniittut inuiaqatigiillu akornanni tatigeqatigiinnerulertoqarnissaa naatsorsuutigaa.

- Pinerluuteqarsimasunut inissiisarfimmiittut inuiaqatigiinnut iluaqutaasunik suliaqarnissamut periarfissikkutsigit, inuiaqatigiinni inissisimaffitsik nassaareqqissinnaavaat taamaalillutillu najukkami inuiaqatigiinnit tatigineqaqqilersinnaallutik, Pinerluttunik Isumaginnittoqarfik tusagassiuutinut nalunaarummi allappoq.

Inissiisarfimmiittup suliassamut piukkunnartuunera Pinerluttunik Isumaginnittoqarfiup qulakkeerniarpaa.

Suliat ilaat pinerluuteqarsimasunut inissiisarfimmi suliarineqarsinnaapput, allalli pinerluuteqarsimasunut inissiisarfiup avataani suliarineqarsinnaallutik. Taamaattoqartillugu inissiisarfimmiittoq inissiisarfimmi sulisunit ilagineqassaaq.

Suliniut sapaatip-akunnialuini ingerlanneqareerpoq, inissiisarfimmiittullu piumassuseqarnerulersimasut Pinerluttunik Isumaginnittoqarfiup maluginiarpaa.

- Inissiisarfimmiittut sulisullu akornanni allatut misiginarsilersitsisarpoq. Inissiisarfimmiittut ajornartorsiortitsiuaannarnatik aammali ajunngitsumik sunniuteqarsinnaallutik takutitsisinnaanerat pingaaruteqarpoq, Høygaard Ritzauimut oqarpoq.

/ritzau/