KL

DK

Inuussutissalerinermut Aqutsisoqarfik allaffeqarfimmik nutaamik Kalaallit Nunaanni ammaasoq

Nuummi allaffik nutaaq Kalaallit Nunaanni aalisakkerinermi nerukkaasiornermilu suliffeqarfinnut nakkutilliissaaq, Inuussutissalerinermut Naalakkersuisoqarfik naalakkersuisup Kim Kielsenip ministerillu Jacob Jensenip ataatsimeeqatigiinnerisa kingorna nalunaarpoq.

Kalaallit Nunaata Danmarkillu inuussutissalerinermi suleqatigiinnerat qaninnerulerpoq.
Morten Okkels Morten Okkels Tusagassiortoq
Saqqummersinneqarpoq

Inuussutissalerinermi Aqutsisoqarfik 2025-mi januaarimiit tamakkiisumik ingerlasumik inuttalimmillu Nuummi allaffeqalersoq Danmarkimi Inuussutissalerinermut Naalakkersuisoqarfik nalunaarpoq.

Piniarnermut aalisarnermullu naalakkersuisup Kim Kielsenip (S) aamma Danmarkimi inuussutissanut ministerip Jacob Jensenip (V) ataatsimeeqatigiinnerannut atatillugu ministeriaqarfik taama ilisimatitsivoq.

Kalaallit Nunaanni suliffeqarfinnik aalisakkanik nerukkaatissanillu avammut tunisinermi akuerisaasut nakkutiginissaat allaffimmiit isumagineqassaaq.

Inuussutissanik avammut niuerneq suli danskit naalagaaffiannit akisussaaffigineqarpoq. Akisussaaffiulli Kalaallit Nunaannut nuunneqarnissaa politikkikkut aalajangiiffigineqassaaq, taamaattumillu nuunneqarnissaa tamatumunnga attuumassuteqarpoq.

Politikerit taakkua marluk Kalaallit Nunaata Danmarkillu akornanni sulisunik paarlaasseqatigiittarneq, aalisarneq pillugu EU-mik isumaqatigiissut puisinillu tunisassiat pillugit inatsisiliortoqarsinnaanera eqqartorpaat.

NERISASSIORNERMUT AQUTSISOQARFIK KALAALLIT NUNAANNI

Nunatsinni uumasunut nakorsaqarnermut inuussutissalerinermullu oqartussaaffik Namminersorlutik Oqartussat aamma Inuussutissalerinermut, Nunalerinermut Aalisarnermut Ministeriaqarfiup akornanni agguataarneqarsimavoq. 1992-imi peqqinnissaqarfik aamma taamaalilluni suliassaqarfiit Peqqissutsimut Naalakkersuisoqarfiup akisussaaffigisai Kalaallit Nunaannit akisussaaffigilerneqarneri tamatumunnga pissutaapput.

Akisussaaffeqarfiit 1992-imi Nunalerinermut Aalisarnermut Minsteriaqarfimmit akisussaaffigineqartut Kalaallit Nunaata tigunngilai. Taakku maanna Inuussutissanut, Nunalerinermut Alisarnermullu Ministeriaqarfimmiit aqunneqarput.

Najoqqutaq: Inuussutissalerinermi Aqutsisoqarfik

nuuk jacob jensen inuiaqatigiit grønland fødevarer fødevareministeriet samfund kim kielsen

Atorfiit tamaasa takukkit

Powered by Labrador CMS