KL

DK

Inuusuttuaqqat unioqqutitsisut: Politiit 16-inik ukiulik biilinik aallarussisoq malersorpaat

Nukappiaqqat sisamat biilerlutik politiinit qimaagamik malersorneqarput, tigusarineqarpulli.

Nuummi inuusuttuaqqat sisamat biilinik aallarussisorineqartut unitsinniarlugit namminneq biilinik atuisariaqarsimapput.
Morten Okkels Tusagassiortoq
Saqqummersinneqarpoq

Arfininngornerup unnuaani Nuummi politiit biilerlutik angalaarneranni nukappiaqqat sisamat 16-it missaanni ukiullit politiinit qimaaniarsaripput.

Biilersinnaanermut allagartaqarnissamut inuusuppallaarnertik pissutigiinnarnagu aammattaaq biilinik Nuummi suliffeqarfimmit aallarussinertik pissutigalugu taamaaliorsimasinnaapput.

Biilit politiit malersorpaat unitsillugillu, tamatumalu kingorna inatsisit arlallit atorlugit unnerluutiginnissinnaalerput.

Inuusuttuaqqat sisamat tamarmik tillinniartutut unnerluutigineqartut, biilinillu ingerlatitsisoq biilersinnaanermut allagartaqarnani biilersimasutut inunnillu allanik navianartorsiortitsisimasutut unnerluutigineqartoq, pigaartut pisortaat Carl Sværd oqaluttuarpoq.

Aammattaaq politiit soorunami isumaginninnermut oqartussaasut ilisimatippaat, meeqqat ukiukitsut pineqarmata.

Illoqarfiit pingaarnersaanni sumiiffimmi allami aamma ajornartorsiuteqartoqarpoq, tassami Nussuarmi qui ikuallammat. Ikuallatsitsineq piaaraluni ikuallatsitsineruvoq, taamaattumillu politiinut suliassanngortinneqarpoq.

- Taamaaliorsimasut meerasimasinnaapput. Tamanna misissuleruttorparput, immaqalu videoliat atorlugit paasisaqarnerusinnaassaagut, pigaartut pisortaat oqarpoq.

politi inuiaqatigiit unge og kriminalitet samfund kriminalitet nuuk

ATORFIIT Se alle jobs

Powered by Labrador CMS