Inuusuttut marluk aqqusinermi ajutoortut
Inuusuttut marluk, tamarmik 19-inik ukiullit, Nuummi ataasinngornerup unnuaani aqqusinermi ajutoornermi kingorna ajoqusernertik pissutigalugu Dronning Ingridip Napparsimmavissuani maanna nakorsarneqarput.
Politiit
Assiliisoq: Leiff Josefsen
Arnaq inuusuttoq 19-inik ukiulik angullu inuusuttoq 19-inik ukiulik Nuummi ataasinngornerup unnuaani nalunaaqutaq pingasut missaani aqqusinermi ajutoorput.
- Aappaa aqqunarpallaanngilaq aappaalu aqqunarluinnarpoq. Maannakkut napparsimmavimmi nakorsarneqarput, Kalaallit Nunaanni Politiit pigaartuisa pisortaat Jeppe Andsager Sermitsiamut oqarpoq.
Ajutoortoqarnerata kinguninngua biilit ikuallapput, inuusuttullu ajutoortut uusimanerinik ersiuteqanngitsut, pingaartut pisortaat ilisimatitsivoq.
- Biilit ikuallalertinnagit nioreersimagunarput, pigaartut pisortaat ilisimatitsivoq.
Politiit aqqusineq 400-rtalik marlunngormat ullaakkut matusimavaat. Aqqut ammaqqinneqaliivissasoq politiit pigaartuisa naatsorsuutigaa. Politiit maannakkut misissuipput, ajoqusersimasullu marluk piaarnerpaamik killisiorneqassasut, politiit ilisimatitsipput.
