NUNAT AVANNARLIIT
Israelimiut Iranimut saassussereersullu: Pisinnaatitaaffeqarpugut pisussaaffeqarluta immitsinnut illersussalluta
Israelip Iran saassussimavaa siusinnerusukkulli sioorasaarutigineqartutut. Iranip illersornissamut pisussaaffeqarnera maanna oqaatigineqarpoq.
Angut arfininngornermi Teheranimi Iranip erfalasua qalipagarsuaq saneqqullugu pisuttoq, Israelip Iranimut saassussereernerata kingorna.
Assiliisoq: Atta Kenare/Ritzau Scanpix
Iran "pisinnaatitaaffeqarpoq aamma pisussaaffeqarpoq imminut illersornissaminut avataaniit saassussisoqartillugu.
Taama allaaserisaqarpoq Iranip nunanut allanut ministeriaqarfia, Reutersip arfininngornermi allaaserisaa naapertorlugu.
Ministeriaqarfik naapertorlugu Israelip saassussinera nunat tamalaat inatsisaannik unioqqutitsineruvoq.
Tamatuma saniatigut ministeriaqarfimmit oqaatigineqarpoq, Iranip naalakkersuisuisa "ilisimaarilluarai akueralugillu nunarsuarmi nunap immikkoortuani eqqissinermut isumannaallisaanermullu pisussaaffeqarluni".
Nalunaarut taanna takkuppoq, Iranip sakkutuuisa nalunaarutigereeraallu, Iranip sakkutuui marlukI sraelip Iranimut saassussinerani, arfininngornermi ullaakkut pisumi, toqutaasimasut.
- Iranip Kunngiitsoqarfiup Islamiusup sakkutooqarfia marlunnik sakkutuunik pilliuteqarsimavoq Iranip isumannaatsuunissaanik suliaqartunik, innuttaasullu soqutigisaannik illersuillunermik suliaqartunik, Israelip zionistiusup pinerluttuusullu qaartartumeerinerani illersuiniarnermi, nalunaarummi allassimavoq.
Ilanngulluguli nalunaarutigineqarpoq Iranip illersornissamut sakkutuui iluatsitsilluarlutik saassussinermik unitsitsisinnaasimasut. Sumiiffinni ilaanni "killilimmik ajoqusiisoqaarsimavoq", taamak oqaatigineqarpoq.
Nutaarsiassaqartitsivimmut Tasnimimut oqaatigineqarpoq, Iran Israelip "saassussineranut" akissuteqarnissaminut piareersimasoq, aamma "atsikkutigiimmik akissuteqartoqassasoq".
Tasnim akuttunngitsumik nalilerneqartarpoq nutaarsiassaqartitsivittut Iranimi pisortat piginneqataaffigisaatut taaneqartarpoq. Iranip illersornissaqarfianut attaveqaateqartoq aamma ilisimaneqarpoq.
Israelimit oqaatigineqarpoq, Israelip Iranimut saassussinerani Iranimi sakkutooqarfinnik assigiinngitsunik saassussisoqarsimasoq.
- Iranimi sumiiffinni assigiinngitsuni saassussinerput siunertarput naapertorlugu eqqortumillu ingerlapparput, Israelip sakkutuuisa oqaaseqartartuat Daniel Hagari oqarpoq.
Saassussinikkut eqqorniakkat toqqarneqarsimapput, taanna oqarpoq, sioorasaaralunilu anguniakkat allat saassunneqarsinnaasut, tamanna pisariaqalissappat.
Taamaattorli saassussineq Iranip atomip nukinga atorlugu programianut attuumassuteqartunik eqqorniaasoqanngitsoq ilisimatitsissutigineqarpoq.
Aamma uuliasiorfinnik eqquisoqarsimanngilaq.
Malinnaaqqissaartut naliliipput, saassussineq uuliasiortarfinnut imaluunniit atomimik nukissiorfinnut saassussinerunngitsoq, taamaattorli annikinnerusumik sakkortusaanermut sakkortusaanerusoq.
Israelip saassussinermigut akissutigaa Iranip oktobarip aallaqqaataani qaartartumeerilluni Israelimut saassussisimaneranut, Iran naapertorlugu, Hizbollah-mi Hamas-imilu siuttut toqutaasimanerannut akissutigineqarsimasumut.
