KL

DK

TROELS LUND POULSEN

Issittumi piginnaanngorsaanissamut aningaasaliissutit annertunerunissaat naatsorsuutigaara

Illersornissamut ministerip Troels Lund Poulsenip, qanittumi Nuummiittup, politikkikkut sinaakkutissat kalaallit suliffeqarfiutaannik tapersersuisinnaasut pilersinneqarnissaat neriuutigaa, taakku aamma aningaasaliissutinik pissarsisinnaaniassammata

Issittumi Atlantikullu Avannaani illersornissamut isumaqatigiissut sakkutuut umiarsuaannut nutaanut aningaasaliinernik ilaqassaaq. - Sakkutuut umiarsuaannut nutaanut aningaasaliisariaqarpugut, taakkununngalu aningaasaliissutit milliardilikkaanik naleqartussaapput, illersornissamut ministeri Troels Lund Poulsen oqarpoq.
Oline Inuusuttoq Olsen
Saqqummersinneqarpoq

Nunanut allanut tunngasunut naalakkersuisoq Vivian Motzfeldt (S) illersornissamullu ministeri Troels Lund Poulsen (V) illersornissamut isumaqatigiissut pillugu, matumani Issittumut Atlantikullu Avannaanut isumaqatigiissut ilanngullugu, arfininngornermi novembarip 23-ani Nuummi GUX-ip ataatsimiittarfiani innuttaasunik ataatsimiisitsipput.

- Qaammatit tulliuttut ingerlaneranni Issittoq pillugu isumaqatigiissuteqarsinnaassasugut neriuppunga. Maanna politikkikkut oqaloqatigiinnerit aallartippagut, naatsorsuutigaaralu 2025-p aallartinnerani isumaqatigiissuteqarsinnaassasugut, Troels Lund Poulsen Sermitsiamut oqarpoq.

Nunanut allanut tunngasunut naalakkersuisoq Vivian Motzfeldt (S) illersornissamullu ministeri Troels Lund Poulsen (V) illersornissamut isumaqatigiissut pillugu, matumani Issittumut Atlantikullu Avannaanut isumaqatigiissut ilanngullugu, arfininngornermi novembarip 23-ani Nuummi GUX-ip ataatsimiittarfiani innuttaasunik ataatsimiisitsipput.

- Qaammatit tulliuttut ingerlaneranni Issittoq pillugu isumaqatigiissuteqarsinnaassasugut neriuppunga. Maanna politikkikkut oqaloqatigiinnerit aallartippagut, naatsorsuutigaaralu 2025-p aallartinnerani isumaqatigiissuteqarsinnaassasugut, Troels Lund Poulsen Sermitsiamut oqarpoq.

Issittumut Atlantikullu Avannaanut isumaqatigiissut illersornissamut isumaqatigiissummut 2023-meersumut Troels Lund Poulsenip Folketingimilu amerlanerussuteqarluartut tapersersorsimasaannut attuumassuteqarpoq. Danmarkip ukiuni qulini danskit illersornissamut missingersuutaat 200 milliarder koruuningajannik qaffassavai, aningaasallu taakku assigiinngitsorpassuarnut aningaasaliissutigineqassapput.

Ruslandip Ukrainemut saassussineratigut Danmarkip siunissami sakkutooqarnikkut anguniakkat NATO-p Walesimi 2014-imi ataatsimeersuarnerani aalajangerneqartut naammassisinnaalissavai, tassani Danmark nunap aningaasartaasa minnerpaamik 2 procentii illersornissamut atussallugit neriorsuivoq.

Danmarkip illersornissamut aningaasartuutinik qaffaanerata Issittumi isumaqatigiissummut qanoq sunniuteqassanersoq aperineqarami ima akivoq:

- Issittumi piginnaasanik ineriartortitsinissamut isumaqatigiissummi isumaqatigiissutigineqartut ilaannut tunngatillugu ukiualuit matuma siorna aningaasalersorneqarpianngilaq, taamaammallu akisunerujussuanngorluni. Maanna isumaqatigiissutip immikkoortuani siullermi pisariaqartut aningaasalersorneqarsimapput, Troels Lund Poulsen oqarpoq itisiliillunilu:

- Issittumi piginnaasanik annertusaanissamut pilersaarutip Issittumi piginnaasanik annertusaanissamut pilersaarutitoqqamut sanilliullugu annertunerunissaa naatsorsuutigaara. Tamanna minnerunngitsumik annertunerusumik aningaasaliisoqarnissaanik peqquteqarpoq, Troels Lund Poulsen oqarpoq.

Sakkutuut umiarsuaat nutaat

Umiarsuit alapernaarsuutit marluk Thetis-it, ilaatigut Lauge Koch, tassaasoq umiarsuaq alapernaarsuut nutaajunerpaaq, ikiorsiissutinik maskiinaqaratik 2024-mi marsimi Nuup umiarsualivianut tulapput. Tamanna illersornissamut ministerip tikeraarnerani pivoq,ajornartorsiullu taanna Issittumi isumaqatigiissutip ilaani sammineqassaaq.

- Sakkutuut umiarsuaannut nutaanut aningaasaliisariaqarpugut, tamannalu milliardilikkaanik naleqassaaq. Thetis-it pisoqaliartorput, umiarsuit ajoquteqartalerput angalasinnaajunnaalerlutillu. Naalagaaffeqatigiinnermi ukiorpassuarni kiffartuisimapput, sakkutuullu umiarsuaannut nutaanut Thetisit paarlallugit Kalaallit Nunaanni allanik piginnaasalinnik aningaasaliisariaqarpugut, Troels Lund Poulsen oqarpoq.

Tamanut iluaqutaasoq

- Kalaallit suliffeqarfiutaat aningaasaliissutinit maannakkut suliariniakkatsinnit pissarsisinnaaqqullugit politikkikkut sinaakkutissat pilersissinnaagigut neriuppunga. Tamanna suliffinnik attassinissamut nutaanik pilersitsinissamut iluaqutaassaaq, tamatumalu peqatigisaanik kalaallit suliffeqarfiutaat suliffissuaqartullu issittumi piginnaasanik annertusaanissamut issittumullu tunngasunik suliniutinik nutaanik naammassinninnissamut suliniuteqarnermut peqataatinnerussavagut. Tamanna siornatigut takusimasatsinnit allaanerussasoq isumaqarpunga, Troels Lund Poulsen oqarpoq.

Taassumattaaq Nunanut allanut tunngasunut Naalakkersuisoq Vivian Motzfeldt peqatigalugu dronet taakkualu sakkutuut umiarsuaannit suliarisinnaasaat, kiisalu Issittumi Sakkutooqarfiup Kangerlussuarmiinnerata annertusarneqarsinnaanera eqqartussavai.

- Issittumi Sakkutooqarfiup Kalaallit Nunaanni sinniisoqarfia allilerneqarsinnaavoq, Issittumilu Tunngaviusumik Ilinniarfiup tassaniinnerani Kangerlussuarmiinnerup qanoq annertusineqarsinnaanera eqqarsaatigissallugu naleqqutissaaq. Aamma dronet Kangerlussuarmilu dronenik kiffartuussineq pillugit apeqqutit isummerfigissavavut, Troels Lund Poulsen oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

kangerlussuaq inuiaqatigiit forsvarsaftale forsvars- og sikkerhedspolitik erhverv droner borgermøde arktisk kommando arktisk kapacitetspakke politik samfund naalakkersuisut

ATORFIIT Se alle jobs

Powered by Labrador CMS