Ilami oqartussaaqatigiinnerup tunngavissai pingaartut sorpajuttut suujunnaarsillugit uanga-kisima-naalagaagama-nilliaannaq-sakkortuuliortunik taarserneqariartuinnarput.
Ilai oqassapput soqqusaatsumik oqallit qununarniarnertik sakkugivaat, tupannartumik ingasatsikkaluttuinnarlutillu. Sumi tamaani tamanna atuuppoq, aamma nunatsinni. Filosoffi aallartitatullu sulisimasoq Finn Lyngeugaluaq atuakkiamini: ”Uumasut nujuartat akersuussutaanerat – issittumit isigalugu” allassimaneratut:
Ilami oqartussaaqatigiinnerup tunngavissai pingaartut sorpajuttut suujunnaarsillugit uanga-kisima-naalagaagama-nilliaannaq-sakkortuuliortunik taarserneqariartuinnarput.
ISUMAGA
Isuma allaaserinnittup inuttut nammineq isumaanik ersersitsisuuvoq.
Ilai oqassapput soqqusaatsumik oqallit qununarniarnertik sakkugivaat, tupannartumik ingasatsikkaluttuinnarlutillu. Sumi tamaani tamanna atuuppoq, aamma nunatsinni. Filosoffi aallartitatullu sulisimasoq Finn Lyngeugaluaq atuakkiamini: ”Uumasut nujuartat akersuussutaanerat – issittumit isigalugu” allassimaneratut:
”Kangiani, kitaani, kujataani avannaanilu allanngornersuarmik nalaanneqarsimasuni inuuvugut... Ullumi sapanginnaveersaagassagut suunersulluunniit paasiuminaatsippagut. Massamimi paasinninnissaq imaaliallaannaq pineq ajorpoq. Piffissanngorsiisarpoq. Eqqarsaasersortoqartariaqarpoq, ikinngutit illuatungerisallu oqaloqatigisariaqarput, eqqartuussut aalajangiutsinnagu qaqiliisoqartariaqarmat”. Ataguli silassorissusia!
Aalassassimaarneq
Tamat oqartussaaqataaneranni pisut inuiaqatigiinni naammaginanngimmata aalassassimaartoqalerpoq. Allatut oqaatigalugu tamat oqartussaaqataanerat peqqaannagu unamminartorsiortinneqarpoq. Nunatta siunissaa pillugu isummersornitsigut avissaarsimasutut ippugut. Ilagut namminersulivikkusupput, aqagumiit, sussa qanoq akeqaraluallarpat. Uku oqartussaaffeqarnerullutik suli namminersornerorusupput allalli maanakkutut inuuginnarusupput: naalagaaffeqatigiillutik kunngeqarfimmullu atallutik.
Taavali isorliunerusumiittortaqarpugut taakkulu peqqaannagu qatsuppaat inuttut innuttaasutullu sumiginnagaasimanertik, kiffartuunneqarnermikkut suusupagisaanertik ineriartortitaannginnertillu.
Inooqatigiinnut tusagassiorfinni tusagassiorfinnilu tamatuma annikitsumik sammineqartarnerani pissutsit ukiuni makkunani taamaannerat arajutsisimanngilarput. Tusagassiorfigut namminneq angalasuunngillat akissaqannginnamik, uffa tusagassiorfiit soorlu DR allamiullu tikiinnassanngillat, sunali tamaat angallavigeriissavaat, akissaqartitaagamik. Nunatsinni tusagassiorfigut taamatut atugarissaartitaatiginngillat, pingaartumik KNR, nuna tamakkerlugu kiffartuussisussaatitaasoq. Taakkumi aningaasaliiffigineqartarnerat ullutsinnut tulluarsagaasimanngilaq ukiorpassuanngortuni. Tamatuma kinguneranik tamat oqartussaaqataanerata pitsaasumik ineriartornissaanut tunngavissat tassalu nutaarsiassanik pilersuineq, oqallitsitsineq ilanngutassiornerlu pissusissamissut ingerlanngillat, uffa taama inuiaqatigiinnut pingaartigigaluarlutik.
Oqartussaaqataaneq nukittunerusoq
Oqartussaaqataaneq sorpassuartigut unamminartorsiorpoq ilutigisaanillu inuiaqatigiinni amigaatitta ilagaat pissutsinik alaatsinaallutik misissuisarfiit arlaannaannulluunniit pituttugaanngitsut, soorlu innuttaasut qanoq inissisimanerannik, suliffeqarnerannik, isummersornerannik, pilersuisinnaassusaannik allarpassuarnillu misissuisartunik. Misissuinerit paasiniaanerillu pingaartuupput, tamakku inuiaqatigiinni tusagassiorfitsigut paasisat tunngavigalugit oqallittarnissamut tunngaviussagaluarmata.
Sumiginnaalluinnarsimasut qatsussiffiisa nalaanni inuuvugut. Allatummi oqarfiunngilaq ukiorpassuarni illoqarfiit pingaarnersaat pingaarnerusumik ineriartortitaasoq, nunap immikkoortui allat killilimmik ineriartortitaanikuummata. Nunap immikkoortui najugaqarfinnik siammasissunik akisuunillu pilersuisussat, inuttut, aningaasaqarnikkut politikkikkullu.
Tamat oqartussaaqataaneranni assoralisimaarneq maanna allatut siunnerfeqarluni ingerlasinnaavoq, periarfissat misiligarneqarsimanngitsut iluatigalugit ingerlatsigaanni. Inuiaqatigiittut ikittunnguugatta taamarsuaq avissaartuuttariaqanngilagut!
