KL

DK

Jens-Frederik Nielsen: Ullumikkut maqaasineq annertooq tamatsinniippoq

Kalaallit Nunaata nipit ersarinnerpast ilaat annaavaa, Naalakkersuisut siulittaasuat Hans Enoksen pillugu allappoq.

Sivisunerpaamik ilaasortaasimasutut Naalakkersuisullu siulittaasuattut Hans Enoksen Jens-Frederik Nielsenilu upernaaq Inatsisartut inissitsiternerannut atatillugu ingerlaaqatigiinnermi siuttuupput.
Hanna Hviid Hanna Hviid Hanna Hviid Tusagassiortoq
Saqqummersinneqarpoq

Ullaaq manna naalakkersuisut siulittaasorisimasaat nunatsinnilu politikimi malunnaatillip Hans Enoksenip toqukkut qimagunnera nalunaarutigineqarpoq

Nalunaarut taanna annertuumik aliasuutigaarput. Taama Naalakkersuisut Siulittaasuat Jens-Frederik Nielsen (D) Facebookimi allappoq.

- Inuk kialaartoq nipilu ersarissoq qimaguppoq, allatamini taama aallaqqassiivoq.

Hans Enoksen naalakkersuinermik sivisuumik suliaqartoq, Jens-Frederik Nielsen allappoq.

-inuunini tamakkerlugu nukittuumik uteriitsumillu nunatsinnik asasaminik sorsuutigisaqarpoq. Aallaqqaammut Siumut sinnerlugu sulivoq,kingornalu Naleqqamik aallarniisutut namminiilivinnissaq, inuiaqatigiinni sanngiinnerpaat nunaqarfiillu kulturistalu inuiaqatigiinni inissaqarnissaat sorsuutigaa.

Hansip asannittuunera partigangimilu kaffisoqatigiinnerpassuatik eqqaamajuassallugit, Jens-Frederik Nielsen allappoq.

- ullumikkut maqaasineq annertooq pigaarput. Kalaallit Nunaata nipit ersarinnerpaat ilaat annaavaa, inullu nunaminik innuttaasunillu ilungersuutiginnittoq annaavaa.

Jens-Frederik Nielsenip misiginneqatiginninnini Hans Enoksenip ilaqutaanut qanigisaanullu apuukkumavaa.

inuiaqatigiit hans enoksen toqusoq inuiaqatigiinneq jens-frederik nielsen

Atorfiit tamaasa takukkit

– Se alle jobs

Powered by Labrador CMS