Jens-Frederik Nielsen siornatigut
apersoriartussagaanni Inatsisartunut ilaasortat allaffeqarfiannukarluni
naapinneqarsinnaasarpoq. Inuttaa maanna naapikkusukkaanni Inatsisartut
allaffeqarfiannukarnani Naalakkersuisut siulittaasoqarfiannukartariaqarpoq. Allaffik
taanna Namminersorlutik Oqartussat allaffeqarfitoqaanni aappaluttumiippoq. Tamaangalu nutseqqammerpoq nunatsinni Naalakkersuisunut siulittaasunngorlaaq.
- Upperinikuuara piffissap ingerlanerani
parteerput uunga killissinnaasoq, naatsorsuutigisimanngilara taama
siusitsigisumi tassunga killikkumaartugut, Jens-Frederik Nielsen oqarpoq.
Jens-Frederik Nielsen siornatigut
apersoriartussagaanni Inatsisartunut ilaasortat allaffeqarfiannukarluni
naapinneqarsinnaasarpoq. Inuttaa maanna naapikkusukkaanni Inatsisartut
allaffeqarfiannukarnani Naalakkersuisut siulittaasoqarfiannukartariaqarpoq. Allaffik
taanna Namminersorlutik Oqartussat allaffeqarfitoqaanni aappaluttumiippoq. Tamaangalu nutseqqammerpoq nunatsinni Naalakkersuisunut siulittaasunngorlaaq.
- Upperinikuuara piffissap ingerlanerani
parteerput uunga killissinnaasoq, naatsorsuutigisimanngilara taama
siusitsigisumi tassunga killikkumaartugut, Jens-Frederik Nielsen oqarpoq.
Demokraatit marsip aqqarnani
qinersinermi tassunga killinnissaat kialluunniit siulittuutigisimanngilaa.
Aamma tusagassiorfiit. Jens-Frederik Nielsenili Naalakkersuisunut siulittaasunngortussanngortoq qinersinerup
unnukkuani paasinarsiartulerpoq.
- Kitsissuarsunni kisitsisit
takugatsigit, tassani uanga naatsorsuutigilerpara siuariarujussuarpasilerpugut.
Malugisara siulleq tassaniippoq. Taava illoqarfiit nuioralermata,
ajugaasaqattaarluta illoqarfinni mikinerusuni. Tassani eqqarsarpunga
anginerpaanngorsinnaasugut, Jens-Frederik Nielsen taama oqarpoq.
Nunarput nunarsuarmi
qitiulluinnaleruttortoq Inatsisartunut qinersisoqarmat nunatsinni politikkikut
nikeriarujussuartoqarpoq. Demokraatimmi Inatsisartuni ilaasortaatitaat
qinigaaffimmi kingullermi pingasuusinnarlutik maanna pingasoriaat sinnerlugu
amerlillutik qulinngormata, partii tassaalerpoq nunatsinni partiit annersaat.
Naalakkersuisunut siulittaasuni nukarlerpaasoq
33-nik ukiulik Inatsisartuni
illuatungiliuttuunermini nipituuliortarsimaqisoq nunatsinni politikkikkut
siuttunngorpoq. Taanna Naalakkersuisut siulittaasoqarfiannut iserteqqammisoq
naapikkatsigu eqqissisimanerulersimasutut ippoq, atuuffigiligaali eqqissisimaaginnarfiunavianngilaq.
- Nalunngilara issiavinnik kissalaartunik
taakkartorneqartut kissarpallaanngittut. Aamma piffissat ilaanni
kiserliornartuusinnaasut. Taamaattorli inuit pitsaasut holdeqatigivakka sutigut tamatigut. Taannalu pingaartuuvoq
soorunami, Jens-Frederik Nielsen taama oqarpoq.
Jens-Frederik Nielsenip oqaloqatiginera
tamakkiisoq ataani tusarnaarsinnaavat.
