Jens-Frederik: Pisortat suliffeqarfiutaanni pisortaasut politikkeriusinnaappat?
Pisortat suliffeqarfiutaanni pisortaq atorfimi saniatigut kommunimi nunaluunniit tamakkerlugu polikkikkut suliaqarsinnaava? Demokraatit siulittaasuata Jens-Frederik Nielsenip ukioq qinersiffiusussaq sioqqullugu Naalakkersuisunut apeqqutigaa.
Jens Frederik Nielsen
Assiliisoq: Leiff Josefsen
Sulisartunut nalinginnaasunut tunngatillugu qinikkatut suliaqarnissamut inatsisitigut erseqqissumik malittarisassaqartoq Jens-Frederik Nielsen isumaqarpoq.
- Pisortatut atorfeqaraanni suut pisinnaatitaaffiuppat? (pisortat suliffeqarfiutaanni, aaqq.)? Isumaqarpunga tamanna ersarluttoq, Demokraatit siulittaasuat paragraf 37-mi atorlugu apeqquteqarpoq.
Kinguneqartitsineq
Qinersinissat marluk qalliartortillugit, Inatsisartunut kommunimullu, paasissallugu pingaaruteqartoq “innuttaasut
politikkerinngornissaminnut pilersaaruteqartut ilisimassagaat, qinigassanngortinnermik innuttaasutut
suliffimminnut kinguneqarsinnaaneri” taanna isumaqarpoq.
Qinikkatut sulinermi malittarisassat erseqqissaavigeqqunerisa saniatigut politikerit ukiuni kingullerni qulini “politikkikkut atuunnermik malitsigisaanik atorfimminni kinguneqartinneqartunik” pisoqarsimanersoq Jens-Frederik Nielsenip paaserusuppaa.
