Juullimi tunissutisiassat pavanngaannit pisut

Siriusip qullersaqarfiani Daneborgimiittuni alapernaarsuiartortitat aqqaneq-marluk tussiutitoqaq “Tunissutit ajunngitsut tamarmik pavannga pipput” ulluni makkunani erinarsortarpaat.

Daneborg decembarip 11-ani ukiumoortumik „juullimut tunissutisivoq“. Siriusip alapernaarsuiartortitasa qullersaqarfiata eqqaani mittarfik mikisuararsuaq pissutigalugu juullimut tunissutisiat, juullimi qeerlutuutugassaq orpillu kigaallassaatit atorlugit sakkutuut timmisartuanit C-130 Hercules-imit, aamma juullip inuata qamutaatut taaneqarsinnaasumit, nakkartinneqartarput.

Aalborgimi Air Transport Wing-ip illersornissaqarfiup Tunup avannaani sakkutooqarfigisai aamma silasiorfik Danmarkshavni, Tusassimit ingerlanneqartoq, pilersortarpai.

Arlaleriarlutik pajuttut

- Sakkutooqarfinnut pilersuineq ukioq manna arlaleriarluni ingerlanneqarpoq, chefsergent Preben Nielsen Air Transport Wingimeersoq oqaluttuarpoq.

- Allanik assartuinitsinnut atatillugu juullimut pisariaqartitat Station Nordiliartut decembarip sisamaanili pajugutigaagut.

- Sakkutooqarfiit allat sapaatip akunnerata tulliani Kangerlussuarmiit pajuppagut. Decembarip 9-ani 11-anilu Mestersvigimiippugut – juullimilu pisariaqartitat Danmarkshavnimukartut decembarip qulingani Daneborgimukartullu decembarip 11-ani timmisartumiit nakkartippagut.

Juullerpalaaqisoq

- Tassa akunnerpaaluit timmisartorpugut. Juullimulli pisariaqartitanik nakkartitsileraangatta timmisartumi juullerpalaartuaannarpoq. Juullimut qilanaarnarnerulertarpoq.

Juullimi tunissutissat kigaallattaammik nakkartinneqassatillugit poortuutissaq qalersallu nalinginnaasut naammanngillat. Juullimi tunissutissat nerisassallu containerinut kigaallattaammik nakkartinneqarnissaminnut naleqquttunut poortorluagaasarput.

Orpiilli kigaallassaaserneqarneq ajoramik plastikkimik poortorluarneqaannartarput.