Kalaallit Nunaanni inatsisitigut isumannaatsuuneq pitsaanerusoq 34 millionit koruuninik akeqartoq
Eqqartuussissuserisut: Kalaallit Nunaanni eqqartuussivinni suliassani ilungersunartuni unnerluutiginnittut illersuisullu ilinniarsimasut peqataasariaqarput.
Eqqartuussisut tamarmik inatsisilerinermik ilinniagaqarnissamik ilaatigut neqeroorfigineqartarnissaat Eqqartuussissuserisut siunnersuisooqatigiivisa kaammattuutigaat.
Assiliisoq: Dorthea Reimer-Johansen
Kalaallit Nunaanni inatsisinut eqqartuussinermullu tunngatillugu Danmarki annertuumik akisussaaqataaffeqarpoq, taamaattumillu Eqqartuussissuserisut Siunnersuisoqatigiivisa Naalakkersuisut folketingilu maanna qinnuigaat inatsisitigut isumannaatsuuneq annertusaqqullugu.
Assersuutigalugu pinerluttuliornerit annertuut, soorlu toqutsinerit pinngitsaaliinerillu, unnerluussisussaatitaasunik illersuisunillu ilinniarsimasunik suliarineqartarnissaat qulakkeerneqassappat tamanna aningaasanik naleqarpoq.
Inatsisilerituut siunnersuisoqatigiivisa nalunaarusiaanni upernaaq saqqummertumi inassutigineqartunut aningaasartuutit ukiumut 34,3 millionit koruuniunissaat siunnersuisarfiup Copenhagen Economics naatsorsorpaa.
Folketingi isumalluarfigigaa
Pinerlunnerni ilungersunarnerusuni
suliani inatsisitigut isumannaatsuunissamut aningaasartuutit
annerpaat pineqarput, tassani eqqartuussissuserisunik
tapersersorteqarnissamik aaqqissuussaq pisariaqartinneqartoq
Eqqartuussissuserisut Siunnersuisoqatigiivisa qulakkeernisaa –
tassa inunnut pinerliivigineqarsimasunut illersuisussat –
siunnersuutigaat.
- Kalaallit Nunaanni
eqqartuussiveqarfinni inatsisitigut isumannaatsuunissaq anguniarlugu
annertuumik pitsanngorsaanissamik pisariaqartoqarnera qallunaat
folketingiini takuneqarsinnaassasoq neriuutigaarput,
Eqqartuussissuserisut Siunnersuisoqatigiivini siuliuttaasoq Martin
Lavesen oqarpoq.
Najugaqarfinni inukinnerusuni
inatsisitigut pitsaanerusumik sullissineq aamma kissaatigineqaproq.
Katillugit 25-t kaammattuutigineqarput. Assersuutigalugu
unnerluussisunik amerlanerusunik atorfinitsitsinissaq.
Eqqartuussisunut taakkununngalu ikiortinut
aningaasarsiat amerlanerit
Eqqartuussisut ilinniaqqinnissaannik imaluunniit
inatsisisilerituunngorniarnissaannik neqeroorfiginieqarnissaat aamma
kaammattuutigineqarpoq.
Eqqartuussiveqarfinnik sisamaasuni amerlanerusunik
sulisoqalernikkut suliassaqarpassuit tatisisut annikillinerisigut
ilinniaqqissinnaaneq inissaqartinneqalissaaq.
Eqqartuussisut taakkununngalu ikiortit sulilerusunnerinik
atorfeqartullu suliinnarnissaat anguniarneqarnissa aamma
ilanngunneqarpoq – akeqarporlu, siunnersuisartut allapput.
Kalaallit Nunaanni atorfillit, soorlu nakorsat
unnerluussisussaatitaasullu, Danmarkimi atorfinnit assigusunit 25
procentimik qaffasinnerusumik aningaasarsiaqarput.
Eqqartuussisulli taakkununngalu ikiortit Nunatsinnii
Eqqartuussivimmi Nunattalu Eqqartuussisuuneqarfiani atorfillit
aningaasarsiakinnerupput. Danmarkimi taakkua atorfiisa assiganni
aningaasarsiaat 15 procentimik annikinnerupput, naak inuuniarnermi
aningaasartuutaat amerlanerugaluartut.
Qallunaat
naalakkersuisui akisussaasuupput
Copenhagen Economicsip taasaatut
atorfinitsitsiniarnermi unammilligassat qaangerniarlugit
eqqartuussisut taakkununngalu ikiortit nakorsat
unnerluussisussaatitaasullu aningaasarsiaat assigilertariaqarpaat.
Kaammattuutit ataasiakkaat
Naalakkersuisunut kalaallillu eqqartuussiveqarfiinut
tunngatinneqarput.
- Kaammatuutigineqartulli amerlanersaat
qallunaat naalakkersuisuinut folketingimullu tunngapput, tassa
inatsiseqarnermut susassaqarfik suli angerlaanneqarnikuunngimmat,
Eqqartuussissuserisut Siunnersuisoqatigiivinit Martin Lavesen
oqarpoq.
/ritzau/