Nipilersoqatigiit nuuteeraliaq nutaaq, Qaammat Seqinertut, innaallagiatortunik sakkortusaasernagu nipilersuusersukkatut immiussaasoq saqqummersissimagaat Christian Elsner, Nanook-imi nipilersortartoq erinarsortartorlu oqaluttuarpoq.
Nuuteraliaq misigissutsikkut killitsinarlunilu qamuunakkut attuigami eqqissinermik pilersitsisoq.
Nipilersoqatigiit nuuteeraliaq nutaaq, Qaammat Seqinertut, innaallagiatortunik sakkortusaasernagu nipilersuusersukkatut immiussaasoq saqqummersissimagaat Christian Elsner, Nanook-imi nipilersortartoq erinarsortartorlu oqaluttuarpoq.
Nuuteraliaq misigissutsikkut killitsinarlunilu qamuunakkut attuigami eqqissinermik pilersitsisoq.
Tassani "erinarsuutit siornatigut saqqummersinneqarsimasut nutaanngorlugit immiussat erinarsuutillu nutaarluinnaat, kiisalu nipilersukkat pattagissamik guitarimillu nipilersorneqartut" tusarnaarsinnaavatit.
Ullutsinni silassorissuusiat atorlugit nipilersuusiupallassinnaanerup nalaani nipilersornermik nuannarisaqartut nipilersuutinik inunnit sananeqarsimasunik eqqaasinneqaqqittariaqartut Nanook isumaqarpoq, taakkumi immikkut ittumik sunniuteqarsinnaapput.
- Ulluni makkunani silassorissuusiat atorlugit nipilersuusiorneq nalinginnaaneruleriartortillugu nipilersortartuusut atorlugit nipilersuusiortoqartarnissaa pingaaruteqartoq isumaqarpugut, maannakkullu aamma kalaallit periaasii atussallugit aalajangersimavugut, Christian Elsner oqarpoq erseqqissaallunilu:
Nanookikkunni silassorissuusianik atuineq ajorpugut, saqqassaliornermiluunniit naamik. Nuuteeqqao saqqaani qalipagaq arnap Canadameersup, silap pissusiata allanngoriartorneranut atatillugu nannunik ilisimasaqalersitsiniarluni suliniuteqartup, qalipagaraa.
Erinnat nutaat, Qaammat Seqinertut aamma Kigarneqartuarami, tatisinermut, Kalaallit Nunaata atugarisimasaanut, tamatumalu misigissutsinut pilersitaanut inuillu neriuutaarulluinnarsimasut ilimaginngisaminni nukissaqalersartut pillugit ersersitsisut Elsner ilisimatitsivoq.
